زبدةالاشعار

گوردی راهب نیزده بیر نیر اعظم گلور #دیر_راهب_سعدی_زمان

دیر راهب

✍️ زبدة الاشعار ✍️

?: @nohe_torki

سبک های مشابه : زینبم جان اوستیم … یه سوال دارم مگر ما … اذن ویر یا رب … مولا ، آقا ، عجل علی ظهورک …

سبک تک ضرب زنجیر : گل اوتور خیمه ده اکبر … کس منیم ظلمیله ای حارث …

مرحوم سعدی زمان

گوردی راهب نیزده بیر نیر اعظم گلور
وارث اعجاز عیسی بیر مسیحا دم گلور

اندی دیریندن اشاقه پیرمرد خوش مرام
گوردی بیر لشکر ایدوب دیرین ایاقینده مقام
سویلدی کیمسوز رئیسوز کیمدی ای قوم ظلام
بوقشون بو باش بو هنگامه منه مُدغم گلور

ابن سعدی گوستروبلراول سپاه جنگجو
گلدی اوز منظورینی ایتدی سوال اول نیکخو
سویلدی بیز لشکر اسلاموق ای پاکیزه رو
جنگدن فاتح گلن بو رسمدور خرم گلور

بو باش اولموشدی جلال و جاه و منصب طالبی
ضد اسلامه قیام ایتمیشدی بو باش صاحبی
یوللا میشدی بیزلری شخص خلیفه نائبی
گوردی راهب بو قضایا فکرینه مبهم گلور

سویلدی سعد اوغلونا راهب ایدون احسان منه
بو کسوک باشی ویرون سیز بیر گیجه مهمان منه
خدمتی آل زیادین جسمدور هم جان منه
صبح قیترم غلاموز قولینه ملزم گلور

آلدی باشی دیره گتدی پیرمرد پاک ذات
عالم حیرتده اگلشدی اوزی مبهوت مات
فکر ائدردی وار بو باشدا نه مقام عالیات
نیزده گوردوم اؤزوم قران اوخور هردم گلور

متن پیشنهادی:  من زینب آدلیام اودی باشی بلالیم #کوفه_واقف_سرابی

یوز ویروب حال وَلَه گوردی سراپا دیرینی
ایلیوب انوار حق وادی سینا دیرینی
مُشک و عنبر دولدوروب چونخلد اعلا دیرینی
باش اولان یردن ظهوره اوزگه بیر عالم گلور

بیر جوان ماهرو آغلار گوزیله با نوا
انبیا و مُرسلینی تک به تک ایلور صدا
نوح و ابراهیم و موسی بیرده ختم انبیا
بیرده عیسی، ابن مریم دوتماقا ماتم گلور

نازل اولدی بیر به بیر گویدن خواتین بهشت
مقدمیله اونلارین رشگ بهشت اولدی کنشت
قامتی خم بیر اوجا بویلی خانم حورا سرشت
موج ایدوب آغلار گوزینده گوز یاشی چون یم گلور

گوئیا اوغلی ئولن مادردی دلده التهاب
مریم و سارایه تکیه ایلوب اول علیا جناب
گلدی باسدی باغرنا باشی ایدوب بیله خطاب
دور اوغول زهرا گلور پیغمبر خاتم گلور

بیله یاتما کعبۀ آمال ارواح عزیز
اچ گوزون ناز ایلمه ای خسرو ملک حجیز
دور انان باخ گور نجه پژمرده حال و اشگریز
چشمۀ چشمی ائدور جاری یوزه زمزم گلور

ایلدی قصد خروج اول ایدن کس لر ولوج(1)
ایتدلر آغلار گوزیله عرش اعلایه عروج
قصد ائدوب زهرائیله مریم ده آخرده خروج
رسمدور باهم گدر هرکیم هارا باهم گلور

متن پیشنهادی:  گورسندی غم هلالی ماه محرّم اولدی #ورود_محرم_خوندل_تبریزی

شاعر اولدی تا وَلَهدَن راهب نیکو سیر
گوردی خالیدور کلیسا یوخ گلنردن اثر
لمعه لمعه نور اولور اما اوباشدان جلوه گر
منظره هر ذرّه سی بیر نیّر اعظم گلور

گلدی اول باشی گوتوردی وئردی کامل شستشو
قویدی اوز سجاده سی اوسته او مرد نیکو
سوزن مژگانیله ایتدی جراحاتین رفو
سویلدی کیم سن سنه زایر شَهِ خاتم گلور

اولمیوب اولماز بشرده بو مقام و ارتقا
آدوی بُلدور منه ای ماسو اللهه رجا
گر دیسَم عیسی بن مریم سن اولور عرضیم خطا
گورماقا گوردوم سنی عیسی گلور مریم گلور

قانلو لبلر بیر بیره دگدی اولوب ظاهر صدا
ایتدی فرمایش اَنا المظلوم ، مقتول العِدا
سویلدی راهب که مظلوم اولماقوندور بر ملا
محرم سرّ الهی سرّوه محرم گلور

تازدن گفتاره گلدی رأس سلطان وجود
ایتدی فرمایش بابامدور فارقلیط و مودمود
جدّیمی یاخشی تانور قوم نصارا و یهود
آدی هم انجیل و هم توراتیده توأم گلور

اوز بابام یعنی علیدور ایلیا و شنطیا
عالم علم الغیوب و جانشین مصطفا
اولماسیدوق بیز تانونمازدی بو عالم ده خدا(2)
ارتقاء قرب حقّه حبّ میز سُلّم گلور

متن پیشنهادی:  مهِ وفا، کوکب حیا، شمس الولا زینب #زینبیه_امین_کاظمی

لطف ایدوب تاج ربوبیت منه حیّ مجید(3)
من اباعبداللهم عیسی ولی عبد عبید(4)
فاطمه، زهرا آنامدور اسمی جنّاته کلید
قارداشیم هاشندی هوشینم یارامدان دَم گلور

عرض ایدوب راهب بو قانلو گوزلرون قربانی من
من گیدوم جنات اعلایه ضماتت ایله سن
ایتدی فرمایش او ترسا پیر شاه ممتحن
حشرده تثلیثیله، گوندوز سنه مُظلم گلور

تیشۀ توحیدیله تثلیث خارین یولماسان
باغ جنت گورمه سن، خالص موّحد اولماسان
شرکدن خالی اولوب توحید حقله دولماسان
کفّۀ میزان اعمالون جزاده کم گلور

عرض ائدوب راهب که تعلیم ایله اسلامی منه
نه دیسم؟ محشر گونی من نائل اولام مأمنه
شاه تعلیم ائتدی اسلامی یتوردی ایمنه
اشگ راهب گل یوزه چون قطره شبنم گلور

«حاج ابوالفضل رضائی» نوحه خوان با وفا
ای «حسینی» سندن ائتدی التماس و التجا
دیر راهب نوحه سی گوز یاشلی منظوم اولدی تا
اولدی مولادن توجّه سوز بیله مُلهم گلور
ــــــــــــ
(1)ولوج = دخول
(2)بِنا عُرِفَ اللهُ و بِنا عُبِدَاللهُ
(3)العُبودیّة جوهرةٌ کُنهِها الرُّبوبیة
(4)انّی عبداللهِ اتانِی الکتاب

#سبک_زینبم_جان_اوستیم ( 4سبک سینه و تک ضرب زنجیر)

#دیر_راهب
#گوردی_راهب_نیزده_بیر_نیر_اعظم_گلور
#سعدی_زمان
#آثارالحسینی2 ص308
#ترکی

✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی