آتدان یخلدی مظهر پیغمبر ای باجی #اکبریه_طوری_تبریزی

زبان حال حضرت امام حسین (ع)به علیا مخدره جناب زینب کبری (س)
در شهادت حضرت علی اکبر (ع)
.
.
مرحوم طوری تبریزی
.
.
آتدان یخلدی مظهر پیغمبر ای باجی
جلاد الینده قالدی علی اکبر ای باجی
.
بی رحم لر او قدر ووروب یاره جسمینه
صد چاک اولوب بدن داغلوب پیکر ای باجی
.
باش پارچالاندی پیکری دوغراندی بندبند
اکبر وجودین ایلدیلر اصغر ای باجی
.
بسمل کیمی اوزین ایله یردن یره چالور
آغلار اونون او حالینه دشمنلر ای باجی
.
تیر و سنان و خنجر و شمشیر ظلمیله
گلبرگ تک وجودی آچوب گللر ای باجی
.
قاشی گوزی یوزی بلشوب قانلو تپراقا
یرده قالوب باشی داغلوب تللر ای باجی
.
قانیله زلف اَسودینی احمر ایلیوب
توپراقلار اوسته ایلدیلر اسمر ای باجی
.
جدّیم شبیهی اکبریمی من باخا باخا
ئولدوردی مین جفائیله بو لشگر ای باجی
.
آلدى الیمدن اهل جفا نور دیده می
یوخ طاقتیم اورکده دیزیم تیترر ای باجی
.
باشدان قلجلانوب یرییوب یاره آنّنا
اوغلوم علی آتام علیه بنزر ای باجی
.
ضربت یتنده اکبریمون نازلی باشینه
آچدی قلجلانان باشینی حیدر ای باجی
.
وجه نزول آیۀ وَجَّهتُ وَجهده
توجیه اولوندی اکبریمش مظهر ای باجی
.
لیلا بو حالیله نجه گورسون جوانینی
تاب ایتمدی پچاق یرینه هاجر ای باجی
.
«طوری» دیوب بو مصرعی آغلار گیجه گونوز
آتدان یخلدی مظهر پیغمبر ای باجی
.
.
.
.
#اکبریه #طوری_تبریزی #اکبریه_شهادت #ترکی #زبدةالاشعار