زبانحال جناب رباب بحضرت علی اصغر (ع)
.
.
#سبک_سو_یوخومدی_قیزلاروندان
.
.
مرحوم عاصی تبریزی
.
.
گورورم علی سوسوزسان بئله ائتمه ناله لای لای
سووا یوخدی منده امکان بئله ائتمه ناله لای لای
بئله ائتمه ناله لای لای
.
.
نه سو واردی خیمه لرده نه سوده گلور گمانیم
یانورام سنه باخاندا دونور اود بو جسم جانیم
بو قدر نوایه گلمه علی باشووه دولانیم
سنه من تاپوم سو هاردان بئله ائتمه ناله لای لای
.
.
گورورم سنی سوسوزلوق گتوروبدی آہ و زاره
سالوب آتش ملالون علی جانیمه شراره
سوسوزام اؤزومده سن تک ندیم الده یوخدی چاره
سو یولون کسوبدی عدوان بئله ائتمه ناله لای لای
.
.
ائدورم حیا باباندان ائیلیم سوسوزلوقون فاش
یانورام سنه باخاندا توکورم عذاره قانیاش
سنی من بئله گورونجه علیجان ئولیدیم ایکاش
بو سولان جماله قربان بئله ائتمه ناله لای لای
.
.
نقدر علی چتیندور منِ بی کسه بو حالون
بیر ایچیم تاپانمیام سو سولا گل کیمی جمالون
بالا صبر قیل آز آغلا یوزه توکمه اشگ آلون
غمون ائتدی باغریمی قان بئله ائتمه ناله لای لای
.
.
نئجه تشنه سن او حاله سن اؤزون بیان وئرورسن
باخوسان منه سوسوزدان دلوی نشان وئرورسن
نفسون دوشوب شماره الیم اوسته جان وئرورسن
آنان ئولسون ای لب عطشان بئله ائتمه ناله لای لای
.
.
گل عارضون عطشدن سارالوبدی یاسمن تک
سنه چوخ باخوب یانان وار نه امام تک نه من تک
هامی تشنه دور خیمده بولورم علی نه سن تک
اورکون یانور سوسوزدان بئله ائتمه ناله لای لای
.
.
سودان اؤتری خیمه گاهی دولاناندا یانه یانه
علی هر بالانی گوردوم سو دیور گلور فغانه
قوروموش سو جامی الده گئدوری اویان بویانه
آنان اولدی چوخ پریشان بئله ائتمه ناله لای لای
.
.
شه تشنه کامه عاصی گوزی یاشلی یاز عریضه
شور گوز یاشی شفادور بول یقین هامی مریضه
بوسوزی یاز آغلا دائم اؤزیوه ائیله فریضه
گورورم علی سوسوزسان بئله ائتمه ناله لای لای
.
.
#اصغریه #عاصی_تبریزی #اصغریه_شهادت #ترکی #زبدةالاشعار
نظر دهید