زبانحال جناب سکینه (س) در وداع حضرت علی اکبر (ع)
..
مرحوم حقیر خویی
..
..
گورورم گیدن گلمور بو خطرلی میدانه
او سبب گوزوم قورخوب اورگیم دونور قانه
..
..
بولوسن نجه بی رحم دل سخت اعدادور
بو نه عشقدور سنده بو نه شور و سودادور
علی من دونوم سندن بو نجه تمنّادور
دونه شمعدن هرگز گورونوبدی پروانه
..
..
ئولومه طرف هیچ کیم بو شتابیله گتمز
باجی قلبی چون قارداش ئولومینه تاب ایتمز
نیه بولمورم عمریم منیم آخره یتمز
بو قدر که درد و غم یتورور منی جانه
..
..
منی بیر خلاص ایله گوگل اضطرابیندن
نه دور اصل مقصودون بو هامی شتابوندن
نه منیم سئوالیمدن نه سنون جوابوندن
گینه یتمدی شرح غم هجر پایانه
..
..
بدنیم دوتوب رعشه بو اورک دوگولماقدان
توکنوب گوگل صبری غم و غصه چکماقدان
ئولوم ایستورم حقدن بودی دردیم ئولماقدان
بوعلاج سیز دردیم یته بلکه پایانه
..
..
باجون ئولسون عالمده سنه بیر گمانیم وار
سنی قویمارام گوزدن نقدر که جانیم وار
دیمه بی جهت فریاد ایدرم فغانیم وار
خبر خزان بلبل گتورور گلستانه
..
..
علی چوخ جفاجودی بو گروه خون آشام
بودی واهمم گیتسن منى ئولدورور ناکام
نه اوزومده وار طاقت نه اورک دوتور آرام
منی ایلیوب بالله بو خیال دیوانه
..
..
یانان آتش عشقه اولی حالی حالیمدن
که خبر ویرور اشگ رُخیم اشگ آلیمدن
دل آشنا آنلار نه گچور خیالیمدن
نه بولور بو حالاتی اولان عشقه بیگانه
..
..
حرم اهلنین کُلاً سنی قلبی مایل دور
هامی دیده لر محو او مه شمایلدور
آنالیق مقامینده بلی خیلی مشگلدور
بو شکسته دل لیلا ایده صبر هجرانه
..
..
گیده سن آنان رأیین ایده سن گرک منظور
گوزی یاشلی آردونجا باخا مادر رنجور
گوزونون گیده توری اولا آغلاماقدان کور
دئ گؤروم بو سودایه اودا راضیدور یا نه
..
..
چوخ آغیردی بو تکلیف دل زار لیلایه
نجه قلبدن راضی اولاجاق بو سودایه
گینه سن کفن گورسه قدِ سرو رعنایه
یری وار که مجنون تک قویا یوز بیایانه
..
..
نقدر حقیر عمرون اولا دار دنیاده
بو عملده صرف ایله بونی بول او مولاده
عرصات محشرده یتیشندی فریاده
آقا نوکرین قویماز یانا نار و نیرانه
..
..
#اکبریه #حقیر_خویی #اکبریه_شهادت #ترکی #زبدةالاشعار
نظر دهید