گوزلورم گل دم هجراندا آنا یا زهرا #کاظمیه_مصیبی_تبریزی

زبانحال حضرت امام کاظم علیه السلام
.
.
#مصیبی_تبریزی
.
.
#سبک_یارالی_جان_یارالی … 4 سبک : کربلا منتظر ماست … یارالی جان یارالی … لایلای ای سینمون اوسته … شهریاریمسن آقا
مشابه
پخش‌کننده صوت

.
.
گوزلورم گل ، دم ِ هجراندا آنا یازهرا
ئولورم گوشۀ زنداندا آنا یازهرا
.
.
.
کیمدی سندنصورا احوالیمی غربتده بیله
آغاران زلفیله بو گوزده کی قان یاشی سیله
گل آنا آز قالوری تنگه دوشن سس کسیله
گویلومی آل دل زنداندا آنا یازهرا
.
.
.
.
قفسِ تندن آنا ، جان چیخوری دینجلورم
ئولومین عطرینی آلدوقجا ئورکدن گولورم
گل ئوزون باشیمی آل دیزلرین اوسته ئولورم
صولورام غملی گولوستاندا آنا یازهرا
.
.
.
.
فاش اولارسینم آچیلسا نه قدر واردی سوزوم
یولیوی گوزلیورم جان یارالی ایندی ئوزوم
سن گلن یوللارا قربان قاپیدا قالدی گوزوم
گل چاتیم ساحیله طوفاندا آنا یازهرا
.
.
.
.
سنی وئرّم قسم اللرده گزن قانلی باشا
صرصر ظلمیله صحراده کی طوفانلی باشا
باش چک آخر بو ملا لتده کی بحرانلی باشا
ئولورم مرکز بحراندا آنا یا زهرا
.
.
.
.
.
دئمورم گل جوشوری موج بلا عالم ده
یا کی مظلوم و غریبم کسیلوب چارم ده
گل آنا قمچیلرین ردّینه باخ سینم ده
آغلور احوالیمه دربان دا آنا یازهرا
.
.
.
.
.
گلمَسن ،باشیمین اوستونده کیم ایوای دیه جاق
یارالی نعشیمین اوسته سینه کیم داغلیه جاق
گلمه سن جان ننه کیم گوزلریمی باغلیه جاق
منی درک ایله بو حِرماندا آنا یازهرا
.
.
.
.
.
من محاق ائتمیشم اولدوزلاریما باش چک آنا
شهر یثربده کی باشسیزلاریما باش چک آنا
چکمَسن باش منه گر، قیزلاریما باش چک آنا
غرق حسرتدی او ساماندا آنا یا زهرا
.
.
.
.
اون بیر ایل گوشه زندانیده محبوس اولدوم
ایاقیمدان وورولان کُندیه مانوس اولدوم
بیر کس ایراد ائلینمز منه مایوس اولدوم
واله ام رحمت یزداندا آنا یازهرا
.
.
.
.
دم رحلتدی ، دوشور مکّه ده زمزم یادیما
داریخان وقتیده ایّام محرّم یادیما
قمچی لر ردّینه باخجاق دوشور عمّم یادیما
کوفه دن شامه بیاباندا آنا یازهرا
.
.
.
.
عالم ذرّیده کی عهدیمه چون پابندم
آخرین لحظۀ تقدیریمه جاق دربندم
ئوزومم باب الحوائج ولی حاجتمندم
یانورام آتش هجراندا آنا یازهرا
.
.
.
.
سِند ِ شاهک ائلین ظلمیله نالان ئولورم
طالبم جنت الاعلایه غزلخوان ئولورم
باشیم اوستونده آنا گل اوخی قرآن ئولورم
غرق اولوم لمعۀ قرآندا آنا یازهرا
.

.
#کاظمیه_شهادت
#گوزلورم_گل_دم_هجراندا_آنا_یازهرا
#مصیبی_تبریزی #کاظمیه
#ترکی
#زبدةالاشعار