ای باش چکن گئجیله غمخانیه یارالی #حضرت_رقیه_سیدبشیرحسینی

گلدون صفا گتیردون
.
.
سید بشیر حسینی میانجی
.
.
ای باش چکن گئجیله
غمخانیه یارالی
گلدون صفا گئتیردون
ویرانیه یارالی
وای مهربان بابام وای (2)
.
.
بیر جمع ایچیندیَم لیک،دلخسته، یالقیزام من
بُرج غمه بی بیم تک، ایشّقلی اولدوزام من
چوخدور غمیم اؤرکده، اوچ یاشدا بیر قیزام من
سن شمعه اوخشوسان من، پروانیه یارالی!
.
.
چیخمازمنیم یادیمدان،چوخ نازیمی چکردون
بذر محبّتوندن، دیل دشتینه اکردون
یاده آنون دوشنده، گؤزیاشیوی توکردون
خاصّه باخان زمان بو، دُردانیه یارالی!
.
.
چاره یوخومدی بو سؤز، گلدی بیانه بابا!
قانلی گؤزوونله باخما، بو باغری قانه بابا!
باشیمده قمچی لردن، واردور نشانه بابا!
دوشدوم یارالی قوش تک، بو لانیه یارالی!
.
.
مظلوم آتان علی تک، چوخ چوخدی امتیازون
علّت نه اولدی آخر، دؤندی خزانه یازون؟
ظلمیله کربلاده، کیم کسدی گول بوغازون
آری،چون اگمَدون باش، بیگانیه یارالی!
.
.
بو قلبه شامین اهلی، زخم زبان ویروبدی
طعنه بیزه بو یئرده، پیر و جوان ویروبدی
قان واردی لبلرونده، کیم خیزران ویروبدی؟
جانلار فدا سنون تک، جانانیه یارالی!
.
.
قربانلارون قبول، ای، کرب و بلا خلیلی!
بو نوحه یه اولوبدور، بانی «صفرخلیلی»*
«سیّدبشیر» اولوبدور، عبّاس عَموم دخیلی
سؤیلور یاتوب یارالی، سقّا نیه یارالی!
.
* به تقاضای آقای صفر خلیلی سروده شد.
.
.
.
.
.
#حضرت_رقیه_شهادت
#ای_باش_چکن_گئجیله
#سیدبشیرحسینی
#ترکی #حضرت_رقیه
#زبدةالاشعار