مذمت دنیا و غافل شدن از آخرت و گریز به کوچ از قتلگاه
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
گوزون آچ ای گوزوم بیرجه اویان بو خواب غفلتدن
بو غفلت چوخ سنی غافل ایدوبدور دار وحدتدن
.
سنی یاخشی دوتوب غفلت اویان گوربیر نه غفلتدور
چخوبسان اوزلوقوندان گل اوزوه بو نه حالتدور
دوتوبسان گورکیمیلن الفت ای غافل نه الفتدور
محبتدن مرض حاصل اولارقورخ بومحبتدن
.
عجوز دهرآلوب بیرعشوه ایله گوگلوون صبرین
سالوبسان میلیوی بوبی وفایه بولموسن مکرین
دوزلدورسن اوزون تا اوز اوزونده اوزسوزون کسرین
که بلکه گویگلون اولسن کامیاب اول زشت صورتدن
.
ثمرویرمز سنه بالله نهال چرخ غم افروز
سوزی شیریندی اما اوزی بیرزهریدی جانسوز
وصالی عین فرقتدورفراقی تیر تک دلدوز
نشاط وعیش ذلتدور نه ایستیرسن بو ذلتدن
.
بو بش گون عمریوی بیله عبث صرف ایتمه دنیایه
بو دنیا ده وفا یوخدور سنون عمرونده هم پایه
مشقت چکمه بیجا دوشمه چوخ بو اودلی سودایه
سنه یوخ فایده آخر بو سوداده بو زحمتدن
.
او کسلر گور هانیچکدی سنون تک زحمت بیجا
قویوب باش تیزه خاکه خاکیله یکسان اولوب اعضا
قرانلوق ایو قوری یر توپراق آلتی بیکس و تنها
انیسی مارو مور اولموشسیزیلدار خوف وحشتدن
.
گلون سیز ایمدیکه یوخ فایده بو فانی دنیادن
گوراخ باری تدارک حشرایچون آخر بومأوادن
آلاخ بیر فیض اشک چشمیله سلطان بطحادن
بیزی بلکه خلاص ایتسون اوشه هوا قیامتدن
.
گلون ناله ایداخ اول شاه مظلومی سالاخ یاده
ویرنده جان قوری یرلرده یالقوز قالدی صحراده
نه واردی یاوری نه باشی اوستونده گلن داده
نه دفن و نه کفن نه سایه بان یاندی حرارتدن
.
قالوب تنها الیندن گیتدی یدی نازلی قارداشی
کسیلدی باشی لب تشنه آخوب حسرتله گوزیاشی
که غسلی قان اولوب تابوتی اولدی نیزلرباشی
یارالی نعشی اوسته دشمن آت چاپدی عداوتدن
.
فغان اول وقتیدن زینب گزوردی قانلی میدانی
نه گوردی بیر یارالی نعش واردی آی کیمی نوری
کسوبلر باشنی تازه آخار گوزیاشی تک قانی
دیدی یوخسا منیم بو قارداشیمدور بو علامتدن
.
ازل بیر ناله چکدی باشینه ویردی گیدوب هوشه
آیلدی هوشیدن باسدی او قانلی نعشی آغوشه
یارالی حسمینه باخدی گلوب درد و غمی جوشه
گوروب یوخ جای بوسه کثرت زخم جراحتدن
.
ایدوب عرض ای عزیزمصطفا ای تشنه لب قارداش
اوزون تشنه بوتوپراق اوسته یاتماقون عجب قارداش
دوشوبسن دلدن ازبس چکموسن رنج وتعب قارداش
منی دیندیرموسن هر قدر دیندیرّم محبتدن
.
یانار بوقانلی نعشون ایسّی قوملاراوسته چون لاله
باجون اولسون اولونجه واریری قارداش ایدم ناله
یانوب بوغملی گوگلوم قان اولورباخدوقجه بوحاله
بوقان دریاسی ایچره غرقسن طوفان مِحنتدن
.
بو قانلی یر سنه یوخسا شها بیر تخت عزتدور
ویا مخمل دوشکدور یاتموسان بو یر نه راحتدور
لباسون قان بدن قان بسترن قان گورنه شوکتدور
سلیمانه دگول ممکن بو اعزاز و بو شوکتدن
.
دوتوم قارداش الوندن دور ایاقه قالدوخ آواره
ویراخ بیر ال اله تا ایلیاخ بو غملره چاره
محیط غمده آواره قالوب غمنا بیچاره
اونی بیر قورتاراخ گرداب دریای هلاکتدن
.
.
.
.
.
#کوچ_کربلا #غمناک_تبریزی
#پندیات
#گوزون_آچ_ای_گوزوم_بیرجه_اویان_بو_خواب_غفلتدن
#ترکی
.
✍️ #زبدةالاشعار ✍️
.
🆔: @nohe_torki
نظر دهید