گوزون آچ دور ایاقه جوانیم اوغول ایوای #اکبریه_علومی_تبریزی

زبانحال امام (ع) در بالین شهزاده علی اکبر (ع)
.
.
.
#سبک_علی_جان_بالا_لبیک
.
علومی تبریزی
.
گوزون آچ دور ایاقه جوانیم اوغول ایوای
نجه گور چخوب عرشه فغانیم او غول ایوای
.
.
منیم خلق آرا شأن و وقاریم سنیدون سن
امیدیم علی صبر و قراریم سنیدون سن
گلوم یتدی خزانه بهاریم سنیدون سن
ایا شبه پیمبر جوانیم او غول ایوای
.
.
سسون خیمییه گلجک گیدوب تاب و توانیم
دوتوب قلبیمی محنت آخوب اشگ روانیم
باشون اوستونه گلدیم اولوب ورد زبانیم
توان و دل و روح روانیم اوغول ایوای
.
بو چولده علی بلّم جفادن اوسانوبسان
یاتوبسان بیله راحت یقین چوخ دولانوبسان
عجب قانوه باشدان ایاقه بویانوبسان
اولان قلبده تاب و توانیم اوغول ایوای
.
.
عبث آخموری گوزدن عذاره بیله قانیاش
گلور خیمه لریمدن صدای علی قارداش
دیزیم گلموری سنسیز گیدم خیمیه بر باش
اولوب شوریله ورد زبانیم اوغول ایوای
.
.
سنی یخدیلار آتدان اؤزوم حالوی بلّم
بو چولده علی سنسیز داخى قالمارام ئولّم
دالونجا منِ نالان دوتوب بو یولی گلّم
دونوب قانه سرشگ روانیم اوغول ایوای
.
.
آتام شیرخدا تک باشون پاره لَنوبدی
قزل قانیله جسمون سراسر بَلَنوبدی
آتان باشینه سنسیز اوغول کول اَلَنوبدی
اولوب تنگ بو چولده جهانیم اوغول ایوای
.
.
چخوب عرشه حسینون بو صحراده فغانی
خیامه نجه گئتسون داخی یوخدی توانی
رضایم چخا جانیم بو یرده على جانی
که جان اوسته دی سرو روانیم اوغول ایوای
.
.
گوروب حالیوی یاندیم اؤرکدن على یاندیم
سنون قانیویله من اؤزوم قانه بویاندیم
کسیلدى داخی چاره م اؤرکدن یارالاندیم
عیاندور سنه عشق نهانیم اوغول ایوای
.
.
آلوب دوره می دشمن اوغول یاتما اویاندور
منی قویما کومکسیز بو صحراده آماندور
اوغول ویر سسیمه سس گوزوم یاشی رواندور
که سنسیز کسیلوبدور امانیم اوغول ایوای
.
.
حسینون یوزی بیرده محال امریدی گولسون
اوغول ئولسه آتادا گرک قالماسین ئولسون
کیمیم واردی بو چولده گلوب حالیمی بولسون
داخی بیر کسه گلمور کمانیم اوغول ایوای
.
.
علومی هامی بیرده گلور شور و نوایه
دیر دادگریله گیداخ کرب و بلایه
دیاخ بو سوزی اوردا هامی اهلی عزایه
گوزون آچ دور ایاقه جوانیم اوغول ایوای
.
.
#اکبریه_علومی_تبریزی
#اکبریه_شهادت
#گوزون_آچ_دور_ایاقه_جوانیم_اوغول_ایوای
#ترکی
.
.