شب عاشورا
.
✍️زبدة الاشعار✍️
.
?: @nohe_torki
.
محمد علی مصیبی تبریزی
.
سبک : رهبر عالمده حسیندی
.
ئوزگه بیر عالم اولوبدی
شام عاشورا حسینه
ایلیوب یتمیش بیرعاشق
عشقینی معنا حسینه
((با وفالر سسلنوب ؛ لبـّیک حسین لبـّیک))
.
تا پیامین ائتدی اعلان شاه عاشورا او چولده
وار نه بیگانه گئدوبلر تک قالوب مولا او چولده
عـَهده اما آشنالر ائتدیلر ایفا او چولده
((آشنالر سسلنوب ؛ لبیک حسین لبیک))
.
بیر طرفده جان تک آلمیش اکبری آغوشه لیلا
قاسمین ایلور آناسی جامۀ رزمین مهیّا
گرمیدور راز و نیازه باده نوشان سُکارا
((جام وساغر سسلنوب؛لبیک حسین لبیک))
.
اودلانوب سوز عطشدن سینه لر،یانمیش یاناقلار
میزبان سیرآبِ آب و تشنه لب اما قوناقلار
اصغره لای لای چالوللار خیمه ده عطشان اوشاقلار
((تشنه لبلر سسلنوب؛لبیک حسین لبیک))
.
زینب آغوشه چکوبدور ایکّی نورس نوجوانین
تیر عشق و ابتلایه ایلور آماده نشانین
یاخشی وئرسونلر صباحِ ابتلاده امتحانین
((مبتلالر سسلنوب ؛ لبیک حسین لبیک))
.
آی محاقِ ناتمامه ابر ظلمتده باتاردی
خورداقیزلاربعضی آغلاربعضی سی عطشان یاتاردی
خیمه لردن صوت قرآن عرش اعلایه چاتاردی
((خوش نوالر سسلنوب ؛ لبیک حسین لبیک))
.
قحط آبیدی کماکان خیمه لرده شام آخر
خونِ دل گوزدن عذاره سیل ائدردی مام اصغر
قصد ائدوب بند طنابه باغلانا تا خوردا اللر
((گوردی اصغرسسلنوب؛لبیک حسین لبیک))
.
چاتدی یتمیش بیر مسیحا اوج مجد واعتلایه
صبحه تک مشغول طاعت گرم اولوبلار التجایه
گون کی چیخدی واحسینا صوتی دولدی کربلایه
((نُه سمالر سسلنوب ؛ لبیک حسین لبیک))
.
#ئوزگه_بیر_عالم_اولوبدی_شام_عاشورا_حسینه
#شب_عاشورا
#مصیبی_تبریزی
#ترکی
✍️ #زبدةالاشعار ✍️
?: @nohe_torki
نظر دهید