#حدیث_کسا (1)
#گریز به #تنور_خولی
.
✍️ #زبدةالاشعار ✍️
.
🆔: @nohe_torki
.
#شاجری_زنجانی
.
گوگل حدیثِ کِسا بیر گوزل روایتدور (2)
مقام فاطمیه مدرک جلالتدور
.
دل التهابه دوشوب الده خامه لرزاندور
سرشگیم عارضه گوزدن روان اورک قاندور
.
گلوبدی منزل زهرایه ختم پیغمبر
خطاب ائدوب اورگیم بندی ای نِکو منظر
.
گتور کسا ٕ یمانی که حال ضعفیم وار
اونی چک اوستومه ای فخر عترت اطهار
.
خانم دییَر ائلدوم امتثال فرمانه
عبانی گتدوم او ساعتده ماه تابانه
.
گئچوبدی بیر نچه ساعت گلوب امام حسن
سلام ائدوبدی جواب سلام وئردیم من
.
سؤال ائدوب آناجان منزل ایچره واقعه وار
مشامه جدّیمین عطری گلور نه رائحه وار
.
یقین بو ائوده ائدوب جدّیم ای آنا مسکن
دئدیم کساده اوغول جدّون ایلیوب مأمن
.
کسا جَوارینه گلدی او دم امام حسن
سلام ائدوب دئدی ای هادی زمین و زَمن
.
اجازه وئر منه جدّا اولوم کسایه دخول
محبّتیله وئروبدور اجازه ختم رسول
.
آلوبدی اذن دخولین او نوگل یاسین
گلوبدی تاکه او دم منزله امام حسین
.
سلام ائدوبدی او شهزاده سویلدی آناجان
مشامیمه گلوری عطر سرور دوران
.
بئله بیان ائلدی فاطمه او کان حیا
اولوبلا وارد حسن جدّیویله تحتِ کسا
.
حسین کسایه طرف گئتدی با دل خرّم
ادبله ائتدی سلام حضرت رسوله او دم
.
گَلَم دئدی یانیوا اذن واردی یا جدّا؟
بویوردی داخل اول ای نور دیده ی زهرا
.
حسین آلوبدی اجازه کسایه داخل اولوب
کِسالت نبوی اول زماندا زایل اولوب
.
گلوبدی منزله اول دم علی ولیّ خدا
سلام ائدوب دئدی ای دخت حضرت طاها
.
بو منزل ایچره گلور نکهت رسول الله
یقین بو ائوده جُلوس ایلیوب نبی الله
.
جواب وئردی خانم، کی دو عالمه سروَر
کساده دور حَسنینیله جدّی پیغمبر
.
گلوبدی سمت کسایه علی ولیّ خدا
سلام ائدوب ادبیله اولوبدی عضو کسا
.
اجازه آلماقا زهرا گلوب کسایه طرف
گوروب کساده گوزل انجمن او کان شرف
.
اولوبدی وارد زیر کسا او کنز حیا
حضور حضرت زهرا وئروب کسایه صفا
.
عبا ایچینده جمع اولدی جَمیع آل عبا
خطاب ائدوبدی خداوند ربّی الاعلا
.
بو امره واقف اولون ای فرشتگان جهان
که پنج تن آدینا خلق اولوب زمین و زمان
.
تمام انجُم و افلاک و شمس و عرش و قمر
بو بش نفردن ئوتور خلق اولوبدولار یکسر
.
یاراندی لوح و قلم کائنات و جنّ و بشر
اولوبدی ما خلق اللهه پنج تن زیور
.
سؤال ائدوب او زمان جبرئیل روح الامین
بو بش نفر کیم اولا ای خدای عرش و برین
.
بویوردی ذات حق، هُم فاطمه اَبوهادور
حسن حسینیله بیرده علیّ والادور
.
اجازه ایستدی روح الامین نزول ائلیه
قاریشا پنج تنه کام دل حُصول ائلیه
.
گلوبدی پیک الهی کسا برابرینه
پیام داوری گتدی رسول محضرینه
.
اجازه وئر دئدی ای نسل آدمه مولا
که فیض بَزم محبت منه ده قسمت اولا
.
اجازه وئردی رسول خدای لَم یزلی
اولوب کسایه دخول عرض ائدوب بو نوع ولی
.
یارانوب عالم امکان سیزون محبتوزه
بو امری فرض بیلوب یتدیم ایندی خدمتوزه
.
یتوردی آیه ی تطهیری حق داوردن
اجازه آلدی قیتدی رسول اطهردن
.
اِنَّما یُریدُ الله لِیُذهِبَ عَنکُمُ الرِّجسَ
اَهلَ البَیتِ و یُطَهِّرَکُم تَطهیراً (3)
.
وجود آل عباده مقام و شوکته باخ
جلالتیله گلوب آیه لطف و رحمته باخ
.
کسا ٕ فضیلتینه گلدی آیه ی تطهیر
تنور خولی غمی ایلر عالمی دلگیر
.
جفای خولیه باخ ماسوا فغانه گلوب
حسینی گورمگه زهراده یانه یانه گلوب
.
او مجلس غمه زهرا گلوبدی دلده نوا
یانیندا آسیه مریم خدیجه و حوّا
.
حسینه نوحه دئدی توکدی گوزلریندن یاش
بو یر نه یردی اوغول میزبان شَل اولسون کاش
.
کسوک باشی بیر الیلن آلوبدی آغوشه
یارالی حلقی ئوپوب گئتدی بیر قدر هوشه
.
دوباره هوشه گلوب دُخت حضرت طاها
بویوردی کیم سنه یر وئردی کوللر اوسته بالا
.
یانیقلی دیللریله اوخشیوب دیوب بالا وای
سِتمله کرب و بلاده صولان گولوم لای لای
.
کول اوسته یاتما دور ای سینه مین مدالی اوغول
آناوی حشره کیمی ایلدون عزالی اوغول
.
دور ای قالان بدنی اوچ گون اوچ گجه عریان
دور ای ستمله یانان خیمه سی اولان تالان
.
دامارلاریندان آخور قان آنا قوجاقینده
گوروب آنا بالانین قان دوروب دوداقینده
.
او قان دولان گوزون آچدی آناسینا باخدی
اوغول باخوب آنون اشکی عارضه آخدی
.
حسین دئدی آنا مطبخ سرایه خوشگلدون
خدنگ آهیویله قلب عالمی دلدون
.
منه بویور آناجان زینبیم هایاندا قالوب
ملال شام غریبان اونی نه حاله سالوب
.
باجیم،آنا بیلورم دستگیر دشمن اولوب
بیان ائله سارالوب گللریم هایاندا صولوب
.
بویوردی غارت اولوبدی تمام اهل و عیال
گئدوبدی فرقه ی عدوان الینده مال و منال
.
تمام اهل و عیال اولدی شامیانه اسیر
بلالی عترتین الان یانان چادردا اسیر
.
قلم دایاندی دایان « #شاجری» تمام ایله
کسا ٕ حدیثینی دیوانه انضمام ایله
ــــــ
(۱)روایت معتبر حدیث کسا از جابر بن عبدالله انصاری می باشد.
(۲)ازفرمایشات پیامبر(ص):این حدیث در هر مجلسی قرائت شود همّ و غم برطرف شده و حاجت ها بر آورده میشوند.
(3) سوره احزاب آیه 33 (آیۀ تطهیر)
.
.
#فاطمیه_مدح
#گوگل_حدیث_کسا_بیر_گوزل_روایتدور
#شاجری_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید