حالات حضرت زهرا سلام الله علیها
#گریز به #غارت_خیام
.
.
.
مرحوم #ذهنی_تبریزی
.
گوگل شرارینی دلده شراره دن خبر آل
یانوب کول اولماقینی سنگ خاره دن خبر آل
.
گوزوم تلاش ایدر اشکیله سوندوره بو اودی
عبث تلاش ایلین هیچ کاره دن خبر آل
.
ویران اورکلره آتش او بیر یانان قاپودی
جهانیده ملل بی شماره دن خبر آل
.
او یانماسیدی جهان ظلم اودیله یا نمازدی
ستمله روشن اولان هر شراره دن خبر آل
.
همین یانان قاپونون یرده گوگده تاثیرین
نه آی نه گون سانا گلمز ستاره دن خبر آل
.
نه آد قویوبدی نه منظوریله یانوب او قاپی
سقیفه اهلینی گور استشاره دن خبر آل
.
قاپی یانوب آچولوب زوریله اولوبدی نَلَر
آدی قاپی اوزی بیر تخته پاره دن خبر آل
.
صریحین ایستیه سن گیت مزارینی تاپسان
شهیده قبره گیدن باشدا قاره دن خبر آل
.
هانی او دل سنه مسماردن حکایت ایده
بو سرّی سینه ی زهراده یاره دن خبر آل
.
گوزوم حکایت سیلی نی مندن آلما خبر
اوزون او یرده دوشن گوشواره دن خبر آل
.
جفای قنفذیله تازیا نه لر خبرین
یارالی جسمده زخم دوباره دن خبر آل
.
اینانموسان خانمین تازیانه لر سپری
باشندا چادرۀ پاره پاره دن خبر آل
.
نه حالدیدی خانم سقط ایدنده محسنینی
عبای شاه ولادن بو باره دن خبر آل
.
صریحین ایستیه سن گر شهیده قبره گیدن
قاپی دالندا قالان ماه پاره دن خبر آل
.
بو گیر دارده نولدی علی نی سسله مَدی
وفا و مهر گوزیله نظاره دن خبر آل
.
چاغوردی فضه نی یعنی اماندی گلمه علی
داشوبدی بحر مصیبت کناره دن خبر آل
.
یخلموشام منی ئولدورسه لرده گلمه هله
نه لر اولوب اولاجاق بو اشاره دن خبر آل
.
من ئلموشم سنه قلبیم یانور که تک قالاسان
بو درده چاره نی خلاق چاره دن خبر آل
.
عم اوغلی من گولووه نیلیوبدی خار جفا
گولونی خار آپاران بیر هزاره دن خبر آل
.
سینمده سود قانا دوندی بوسری سن بولوسن
سوزون چکیده سینی بو اشاره دن خبر آل
.
سودون یرینه گلن سود امرلریم قان ایچر
بلا چولونده گلن شیر خواره دن خبر آل
.
چتین داخی بالاسین هاشمیه سوددن آچار
رباب الینده کی بوش گاهواره دن خبر آل
.
گَلونجه مهدی موعود وای بالالاریما
دیولمین سوزی بو استعاره دن خبر آل
.
بو یاره لرهامی چون یولداشیمدی قبر ایوینه
ویرنده غسلیمی سانسیز اثاره دن خبر آل
.
قاپوم یاناندا بیراود گیتدی کربلا چولونه
او خیمه لرده اولان استناره دن خبر آل
.
کباب اشکینه بنزر گوزومده گوزیاشیم
آخاندا دلده شرار دوباره دن خبر آل
.
گوزوم گورر بالا قیزلار قاچاللا صحرایه
قووان پیاده لری هر سواره دن خبر آل
.
قیل استخاره دیدیم « ذهنیه » بو سوزلری یاز
دیدی که خیر ایشیدور استخاره دن خبر آل
.
شعر مرحوم #سعدی_زمان در همین ردیف در هشتک زیر
#گوگل_غمین_یوزه_اشگ_روانه_دن_خبر_آل
.
.
#فاطمیه_شهادت
#گوگل_شرارینی_دلده_شراره_دن_خبر_آل
#ترکی
.
#زبدةالاشعار
.
: @nohe_torki
متن های پیشنهادی برای شما
منصورۀ حق یکتادی فاطمه #فاطمیه_مژده_اردبیلی
مدح حضرت زهرا سلام الله علیها از زبان حضرت امیرالمومنین علیه السلام . #زبدةالاشعار . : @nohe_torki . مژدۀ اردبیلی . منصورۀ حق یکتادی فاطمه دلبند حضرت طاهادى فاطمه صدیقه اولسادا زهرادى فاطمه الحق که عصمت کبرادىبیشتر
ای مهر سپهر دین و ایمان وی حجت لایزال عم اوغلی #فاطمیه_عاصی_تبریزی
زبانحال حضرت زهرا سلام الله علیها . #زبدةالاشعار . : @nohe_torki . مرحوم عاصی تبریزی . ای مهر سپهر دین و ایمان وی حجت لایزال عم اوغلی بیر دست خطائیله یتوبدور عمریم گونونه زوال عم اوغلی . . . بو چرخ ستمگرین الیندنبیشتر
برابر کعبیه حج رضادی #رضویه_عدلی_تبریزی
عرض ارادت به ساحت مقدس امام رضا علیه السلام . . . حاج اصغر فرشچی (عدلی تبریزی) . برابر کعبیه حجّ رضادی حریم کبریاسی دلگشادی . اولوبدور روضه سی باغ بهشتی او قدسی درگهی جنّت سرادی . اولار شبهای جمعه بش قوناقی مدینه هم نجفبیشتر
پیشوازه چیخ هیئت دلغمینه قارداش #اربعین_زلفی_تبریزی
اربعین .. .. #سبک .. .. زلفی تبریزی .. .. پیشوازه چیخ هیئت دلغمینه قارداش شامیدن گلوب قبریوه اربعینه قارداش گور حرملرون قلبیده واردی ابتلاسی گوش ویر اوجالمیش نوای حزینه قارداش .. گلدی حرملر یوزده غبار محنت آشفته حال وبیشتر
ای صفای هردو عالم یارسول الله مدد #پیامبراسلام_شایان_ارومیه
در مدح پیامبر صلی الله علیه و آله و سلم . #زبدةالاشعار . : @nohe_torki . کربلایی رحیم شایان . ای صفای هردو عالم یارسول الله مدد وی ضیای عرش اعظم یارسول الله مدد . . مهررخشان نبوت گوهر تابان دین اولین شخص بو عالمبیشتر
نقل ایلیور بو صحبتی مجلسی صاحب بحار #فاطمیه_انور_اردبیلی
در مدح امّ الائمّه(س) . زبدة الاشعار . : @nohe_torki . مرحوم #انور_اردبیلی . نقل ایلیور بو صحبتی مجلسی صاحب بحار هر سوزی مجلسی یازوب پایهٔ اعتباری وار عالم نامداردور صاحب شأن و افتخار غبطه محدّثین ائدر دفتر ارجبیشتر
نظر دهید