گوگول فانیدی بو دنیا بئله دارالفنا اولماز #پندیات_دلریش

#پندیات
.
.
مرحوم #دلریش
.
گوگول فانیدی بو دنیا بئله دارالفنا اولماز
سلیمان زمان اولسان بناسینده بقا اولماز
.
دوتوبدی گور نئجه بایقوش بنا محکم بنالرده
بنای آخرت قیل بوردا چون محکم بنا اولماز
.
بصیرت چشمون اولسا بو جهان جای تماشادور
درست ائتسن تصور ، هئچ بئله ویران بنا اولماز
.
اولار کیم عمری باشه وئردیلر عالی عمارتده
یاتوبلار قبر ائوینده ایندی اصلا اعتنا اولماز
.
سنی هر باره ده مفتون ائدوب آلایش دنیا
مجرد اولماسان عالمده قلبونده صفا اولماز
.
اوزوندن اوزلیقون قوی بیر کناره اول فنا فی الله
فنا فی اللهیده لِلّاهیت وار حرف لا اولماز
.
حقیقت اهلی اُول اهل مجاز اولما اُول آسوده
حقیقت ایستین بیر طایفه اهل ریا اولماز
.
#گریز #حسینیه_شهادت
.
وورار چوخلار بلی لاف محبت حرف بی جادور
شه لب تشنه تک هئچ کیم بلایه آشنا اولماز
.
ره جاناندا گئچدی باش و جان و ملک و مالیندن
تعجب ایلرم یارب بئله صبر و بلا اولماز
.
گهی نیزه گھی خنجر گھی سنگ و گهی پیکان
وورار گل جسمینه اعدا بئله جور و جفا اولماز
.
گھی اکبر گھی اصغر گھی انگشت و انگشتر
وئروب راه محبتده بئله جود و سخا اولماز
.
کسوبلر چوخ شهیدین باشینی ظلمیله عالمده
حسین ابن علی تک کیمسه مذبوح القفا اولماز
.
بدندن چوخلارین باشین جدا ایلوب بلی دشمن
چهل منزل حسین باشی کیمی زیب جدا اولماز
.
شل اولسون ال لرون ای ساربان بو نه شقاوتدور
بئله ظلم ایلمز کافر شقی بیله جفا اولماز
.
او باش کیم سینه سینده بسلیوب صدیقه کبرا
او باشه خوابگه ای شیعه لر مطبخ سرا اولماز
.
او باش کیم گئده عرش خدایه میهمان یاران
کول اوسته میهمان اولماق بئله باشه روا اولماز
.
نئجه بی رحم اولا دشمن کسوک باشه جفا ائتمز
یزید سنگ دل تک بو جهاندا بی حیا اولماز
.
لب لعل حسینه بی مهابا خیزران ووردی
درست ایله تصور هئچ بئله شوم و دغا اولماز
.
جداده اکبرین باشین گوروب هرکیم دیوب یارب
پیمبر ایلیوب رجعت بئله یوسف لقا اولماز
.
.
#گوگول_فانیدی_بو_دنیا_بئله_دارالفنا_اولماز
#دلریش #حسینیه_دلریش
#ترکی
.