حالات حضرت زینب (س)
.
✍️زبدةالاشعار✍️
.
🆔: @nohe_torki
.
#رمضانی_خاکی
.
.
فاطمه ئولندن صورا جهان
اولدی بیت الاحزانی زینبون
پنجه ی غم و غصه دن رها
اولمادی گریبانی زینبون
.
.
بش یاشیندا رخت عزا گیوب
خیره النسایه دوتوبدی یاس
اول اوشاقلیقدا ظلمیله
قلبی غملریله اولوب شناس
باتدی بحر آلام و محنته
اگنینه گییندی قره لباس
ظلم ثانیدن روزو شب گویه
چیخدی یردن افغانی زینبون
.
.
چیخمامیش عزای بتولیدن
کوفه ده آتاسی اولوب شهید
ابن ملجمون ظلمی ایلدی
گوندوزون قرا غملرین مزید
ماجرای کرب وبلا ائدوب
قامتین کمان ساچلارین سفید
طایر غمه غملی آشیان
اولدی قلب شان شانی زینبون
.
.
کربلاده تیر مصائبه
قلب داغداری اولوب نشان
بار جوروظلم زمانه دن
اولدی اول رشیده قدی کمان
گوزیاشی یرینه گجه گونوز
آخدی گوزلریندن جماله قان
تیره شب کیمی گوندوزی اولوب
بو جهاندا ظلمانی زینبون
.
.
الدن آلدی قارداشلارین فلک
اولدی شامیده دشمنه اسیر
فاطمه آناسی کیمی اودا
غصه دن جوانلیقدا اولدی پیر
گون به گون او مظلومه نون اولوب
دار فانیده غملری کثیر
گلمیوبدی گلمز شمارشه
محنت فراوانی زینبون
.
.
نیزه ده گورنده حسینون
ظلم الیله قانه بانان باشین
دولدی ابرتک گوزلری اونون
گل جمالینه توکدی گوز یاشین
نو جوانی اولموش آنا کیمی
اوخشادی اولب تشنه قارداشین
واحسین دئدی ویردی محمله
آخدی باشینون قانی زینبون
.
.
جان وئرنده اولمادی بیر نفر
قبلیه ساری دوندره یوزون
نه حسینی گلدی عیادته
تا دیه اونا دلده کی سوزون
حال احتضارینده بیر نفر
اولمادی اونون باغلیا گوزون
کربلاده چون قانه باتدیلار
بیر به بیر عزیزانی زینبون
.
.
کربلایه یوز دوتدی سسلدی
اکبری اباالفضلی قاسمی
تز گلون بوغربتده قویمیون
خواراولا منیم بزم یاسیمی
آی وفالی قارداشلاریم منیم
ایلیون قبول التماسیمی
جان وئرنده یولاردا قالماسین
بلکه چشم گریانی زینبون
.
.
باجوون امیدی گور سنه
هارداسان اوجا بویلی قارداشیم
عمریمون حصارین خراب ائدور
شامیده اجل سیلی قارداشیم
نعشی قبره چیگنونده یولانا
واردی زینبون میلی قارداشیم
جانی تندن الساعه آیریلور
تز گل ای وفاکانی زینبون
.
.
هاداسوز جوانان هاشمی
یوخدی شامیده قبر کن منه
یدی قاره معجر باشیمدا وار
یوخ ولیک بیر آغ کفن منه
کیملر اوخشاسین کیملر آغلاسین
یوخ اقلی بیر سس چکن منه
کیملری قباقه چیخار خدا
گلسه یاسه مهمانی زینبون
.
.
قلبیلر الولاندی غصه دن
#خاکی بسدی دای قیر سوزون دالین
پوزما بوندان آرتیق داخی بوگون
بزم غمده حضاریلر حالین
یاز ما ظهر عاشور مقتله
خیمه دن قاچوبدی ایاق یالین
توش اولوبدی شمرون قیلینجنا
یاز دست عریانی زینبون
.
.
.
#سبک_ساخلا_ناقه_می_کاروانیدن و … 8 سبک سینه و زنجیر
.
.
#زینبیه_شهادت
#فاطمه_ئولندن_صورا_جهان
#ترکی
.
✍️ #زبدةالاشعار ✍️
.
🆔: @nohe_torki
نظر دهید