گویده سنه باخاندا آی لطف ائله ماهه سنده باخ #مهدیه_هدایت_تبریزی

سنده باخ
.
#زبدةالاشعار
.
: @nohe_torki
.
هدایت تبریزی
.
گویده سنه باخاندا آی لطف ائله ماهه سنده باخ
حسرتیله باخاندا من , منده نگاهه سنده باخ
.
ناز نگاهین اودلادی قلبیمی ای گؤزل نگار
آهیم اوجالدی گوی لره منده کی آهه سنده باخ
.
برق نگاهئن ایلدی خرمن صبریمی تباه
لحظه به لحظه , دم به دم منده تباهه سنده باخ
.
جاه و جلال و عزّتین دهره سالیب دی طنطنه
سنده جلاله من باخیم , منده میاهه سنده باخ
.
یولدا قالیبدی گوزلریم بلکه گورم جمالوی
سیل سرشکیم ایسلادان منزل و راهه سنده باخ
.
قویموری گوزیاشیم یولون اَیری دؤزؤن آیرماقا
دوت الیمی تفضّلاً راهله چاهه سنده باخ
.
حالیمه , آغلیان گوزوم , اودلو دلیم گواه دور
سیر ائله صدق نیّته منده گواهه سنده باخ
.
گوز وُروری ستاره لر گویده سنه منیم کیمی
مهریله قوزا باشوی گویده ستاهه سنده باخ
.
یوخ سنه چاتماقا یولوم حقّه امید باغلادئم
بلکه ده حق سبب سالا لطف الٰهه سنده باخ
.
دست قضا ( هدایت ) ی توش ائلدی بلالره
گوشهء چشم له منِ نامه سیاهه سنده باخ
.
.
.
#گویده_سنه_باخاندا_آی_لطف_ائله_ماهه_سنده_باخ
#ترکی
.
#زبدةالاشعار
.
: @nohe_torki