استمداد حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
گیتدی ایکی ال السیز علمدارم آقام گل
ارذل لره میداندا گرفتارم آقام گل
.
.
غم قرعه سی اوّلده بیزیم پاک ایله دوشدی
کیم هو دیدی سئلدن سیله یلدن یله دوشدی
ویرمزدیم اذیت سنه من ایش بیله دوشدی
بو زحمتمی عفو ایله ناچارم آقام گل
.
.
آخر گوروشه منتظرم عشق اطاقیندا
تنها دگلم وار نچه آغلار قوناقیمدا
گوز یولدا یوزوم یرده دی جانیم دوداقیمدا
دوشمش یاخام الدن اله یوخ چارم آقام گل
.
.
افسوس ثمر ویرمدی بیر نخل جهادیم
بیر سو آدی دللرده قالار بیر منیم آدیم
تأخیر ایلسون خیمه ده ای پیر مرادیم
باشسیز قالاجاق پیکر صد پاره آقام گل
.
.
ای ساخلیان اسلام ایوینی نظم و نسقده
وی زینت اولان اصغرینون قانی شفقده
سن ختم رسولون ئوزی سن مسند حقده
منده سنه بیر جعفر طیّارم آقام گل
.
.
تاراج ایلدی پیکریمی لشگر گمراه
قوللار قوشا گتدی بوشا چخدی الیم ای شاه
صاغ گوزده گیدوب گوزلرون آیدین گنه والله
بو صول گوزه سو اولسا خریدارم آقا گل
.
.
دوشدوم یوزوم اوستونده آقا خاک بلایه
فکر ایلمه بو سس که گلور خیمه سرایه
بیر دل ایکی لبدور سنی سسلوله کرایه
سسلور سنی جسمیمده کی هر یارم آقام گل
.
.
طرلانوین اطرافین آلوبلار قره قوشلار
وورسون بو قوشون باشیمی سر نیزیه خوشلار
باش مشتریسی گور منی ئوز باشیمه بوشلار
مین اوچیا بیر صید گرفتارم آقام گل
.
.
ای دست خدا عرصیه بی دست یخلدیم
نوفل یارادوبدور منه بن بست یخلدیم
سندی باشیمون کاسه سی سرمست یخلدیم
پاک عشقوه بو حالدا وفادارم آقام گل
.
.
ائل لر منی ایللر بوئی سردار تانوردی
لشگر شکن و قاهر و قهّار تانوردی
فرزند برازندۀ کرّار تانوردی
سرداریدیم الان سیزه سربارم آقام گل
.
.
چرخون سنا چرخی منی سندیردی بو چولده
سر رشتۀ امّیدی قوشون قیردی بو چولده
عبّاسی قاچانلار قیدوب وردی بو چولده
داشلار هدفی معرکه ده خوارم آقام گل
.
.
وار تیرلرین کشمکشی پیکریمله
هی پر ورورام قوش کیمی پاره پریمله
حفظ ایلیورم پرچمی دیرسکلریمیله
پرچم کیمی میدانه نگونسارم آقام گل
.
.
.
.
.
#عباسیه_انور_اردبیلی
#عباسیه_شهادت
#گیتدی_ایکی_ال_السیز_علمدارم_آقام_گل
#ترکی
.
✍️ #زبدةالاشعار ✍️
.
🆔: @nohe_torki
نظر دهید