.
✍️ #زبدةالاشعار ✍️
.
🆔: @nohe_torki
.
مرحوم رجایی تبریزی
.
ئولدوروب پیغمبر اوغلین شمر بی پروا بو گون
کشف اولوبدور عالمه معنای عاشورا بو گون
.
.
یوز ویروب بیر غم بو گونده کون و امکان آغلوری
ایلوری سکّان جنت آه و افغان آغلوری
مصطفی و مرتضی و مجتبی قان آغلوری
وای حسینیم وای دیور انسیۀ حورا بو گون
.
.
ملکه صبرین فاطمه اشکیله ویران ایلوری
مریم و سارا و هاجر مو پریشان ایلوری
کربلاده ایمدی قان دریاسی طوفان ایلوری
یوم عاشورادی یا بیر محشر کبری بو گون
.
.
بو گونون مثلنده بیر قتل فجیع اولدی عیان
شرحنه عاجزدی دل کیفیتین ایتسون بیان
خارجیلردن بو امری چوخدی تاریخه یازان
شمر دون اسلامیانی ایلیوب رسوا بو گون
.
.
عالم اسلامه بیر صدمه وروبدور اشقیا
حشر اولونجا شیعه نی آغلار قویوب شمر دغا
آغلاروخ بیز هر گون عاشورادی هر یر کربلا
عرش و فرشی دولدوروب فریاد واویلا بو گون
.
.
شامیان یاغی اولوبدور مذهب و قرآنینه
بیر جنایت ایلدی اوز دینونین سلطانینه
شیرخواره اصغرین الوان ایدوبله قانینه
ظلمیله قانه بویاندی اول ملک سیما بو گون
.
.
سعدین اوغلى امر ایدوب ای لشکر کفر و نفاق
ایلیون قتل حسینه سیز بو گون بیر اتفاق
بو سوزی ناگه ایشتدی خیمه ده عورت اوشاق
سعدین اوغلی لشکری جنگه ایدیر اغوا بو گون
.
.
دوتدی قلب عترت پیغمبری درد و ملال
دوشدولر فکره اولوبدور غصّه دن آشفته حال
گوردیلر شمس امامت آز قالور ایتسون زوال
بیلمورم نه حاله قالدی عترت زهرا بو گون
.
.
بیر طرف سرکرده لر فرمان ویروردی لشگره
بیر طرف اهل حرم لایلای دیوردی اصغره
زینب کبری باخوردی حسرتیله اکبره
بسکه آماده ایدردی اوغلینی لیلا بو گون
.
.
آلدی سعداوغلى اله اولده بیر تیر و کمان
خیمه گاهه بیر اوخ آتدی شاهد اولسون کوفیان
بیربیره دگدی اوشاقلار سسلنوبلر الامان
هارداسان عبّاس عمو ای فارس هیجا بو گون
.
.
گل عمو گل لشگر اوز قویدی خیام عصمته
بی حیا سعد اوغلی فرمان ویردی قتل و غارته
خوردا قیزلار قورخویه دوشدی اوشاقلار وحشته
قویما گلسون خیمه گاهه لشگر اعدا بو گون
.
.
لشگر دین آتلانوب ایتدی او ساعتده هجوم
باخمادی دشمن دوتوب صحرانی مانند نجوم
سسلنوبلر نه خیالوز وار ایا قوم ظلوم
گورموسوز خوفه دوشولّر عترت طاها بو گون
.
.
جان و دلدن حاضروخ بیز دینه جان قربان ویراخ
سو یرینه گلشن اسلامه سو تک قان ویراخ
قویماروخ غارت اولا اوّل گرک بیز جان ویراخ
هر کسه اولماز میّر بیر بیله سودا بو گون
.
.
اتّفاق و اتحادیله پوزوبلار صفلری
کسدیلر خیمه قباقین قیتروبلر لشگری
هاردا قالمشدی حسینون باوفا یاورلری
قتلگهده قالدی یالقیز عصمت صغرا بو گون
.
.
شمر دون بیر حکم ایدوب سالدی جهانه ولوله
زینب کبری گوروب افلاکه دوشدی زلزله
خیمه لردن اللری باشدا چخوب قاچدی چوله
اوز باباسین سسلیوب سویلردی واغوثا بو گون
.
.
داده گل قارداشیمی بو قوم عدوان ئولدورور
شمر دون دریا کنارینده لب عطشان ئولدورور
ادّعای دین ائدیر امّا مسلمان ئولدورور
اوغلوین کیملر ویروب گور قتلینه فتوا بو گون
.
.
وارد اولدی قتلگاهه گوردی واردور کشمکش
قارداشی سوز عطشدن ایلیوب میداندا غش
گوزلرین هر دم آچور سسلور ایا قوم العطش
من لب عطشانم آخور صحرا لره دریا بوگون
.
.
باجی بو حالی گورنده قالمادی صبر و قرار
دوتدی قاتل خنجریندن اولدی چون بی اختیار
ایتدی مظلومه حمایت باخمادی ظالم ورار
درس عبرتدور سیزه ای پیر و ای برنا بو گون
.
.
ظلمیله دین گیتدی الدن ایلیون بیر جنب و جوش
خواب غفلتدن دورون لازمدی بیر جوش و خروش
شرحه یوخ حاجت بولر اهل کمال و عقل و هوش
دین اگر گیتسه گیدر دنیا و مافیها بو گون
.
.
دین یولوندا ال حیاتیندن چکوب میر حجاز
بو سببدن تاپدی عالمده بیوک بیر امتیاز
باخمادی سو یوخ دیدی قانیله آلّام دستماز
ایلرم اوز دینمون فرمانینی اجرا بو گون
.
.
عرض ایدردی شاهد اول بو حالته یا ذالعلا
دین یولوندا صبر قیلدیم گلدی هر نوع بلا
بو حسین ، بو شمر ، بو خنجر ، بو دشت کربلا
ائتدیقیم عهد السته ایلورم ایفا بو گون
.
.
یوخ سوزوم عمروم گونی تاپسا بو صحراده افول
چوخ مقدس دور مرامیم ایتمرم هرگز نکول
فکریمی تصدیق و تفویض ایلسون هر ذی عقول
پیرویم اولسون منیم هر عاقل و دانا بو گون
.
.
ای «رجایی» صبر ایله زهرانی ایتمه دلکباب
جد و جهد ایله سنه جدّون ایده نوکر خطاب
بیرده توفیق ایسته یاز بو سوزلروندن بیر کتاب
لطفی واردور که اولوب نطقون بیله گویا بو گون
.
.
#عاشورا #رجایی_تبریزی
#حسینیه_شهادت
#ئولدوروب_پیغمبر_اوغلین_شمر_بی_پروا_بو_گون
#ترکی
.
✍️ #زبدةالاشعار ✍️
.
🆔: @nohe_torki
نظر دهید