گیدور جنگه جوان قاسم شه بطحا خداحافظ #قاسمیه_نادری

وداع حضرت قاسم (ع)
..
..
..
..
مرحوم نادری میانجی
..
..
..
..
گیدور جنگه جوان قاسم شه بطحا خداحافظ
قشون چوخ رزمگه خالی ئوزوم تنها خداحافظ
..
..
..
..
یتیمم چون آتام یوخدور منه بذل وفا ایله
چتندور چوخ یتیم اولماق عمو درده دوا ایله
کومک یوخ دشمن آرتوخدوردالیمجا گل دعا ایله
گورورسن یاغی دشمنله دولوب صحرا خداحافظ
..
..
..
..
جوانم حسرتیم چوخدور آدیم نو کدخدا اولدی
ئوزوم ناکام و عطشانم منه قاندان حنا اولدى
بو فخریم بسدی عالمده سنه جانیم فدا اولدی
گیدوم میدانه شوقیلن ایدوم دعوا خداحافظ
..
..
..
..
الا ای عمّۀ مضطر گلوب سن درده قیل چاره
منی چرخ فلک ایتمیش بلا دشتینده آواره
عروسین باشینه گیت سال خِیَمده سن ئوزون قاره
فراقیمده سالار عرشه او واویلا خداحافظ
..
..
..
..
بی بی عشقین مناسینده من اوللام امّته قربان
گرک عاشق اولان کیمسه قوری یرلرده ویرسون جان
فقط بیر خواهشیم واردور عروسی اولماسون گریان
شماتت قویما چوخ ایتسون اونا اعدا خداحافظ
..
..
..
..
هایاندا قالموسان مادر گلوب شرح ملال ایله
ئوزیوی دار دنیاده اوغولسوز سن خیال ایله
ئولوم میداننه گیتدوم منه حقون حلال ایله
گیدور الدن بو گلشنده گل رعنا خداحافظ
..
..
..
..
عموم چون مصلحت بیلدی منیمچون طوی ایدوب برپا
همان طویدان سنوب مندن آناجان خاطر لیلا
دونوبدور یاسه طوی بزمی دوشوب اخیامه واویلا
منی سن سویله عفو ایتسون خانم لیلا خداحافظ
..
..
..
..
رباب آغلار آنا از بس اولوب اخیمده سو نایاب
اوشاق تشنه قوری پستان الی گهواره ده بیتاب
آخیر چایلار گیدور دشته ایدن یوخ اصغری سیراب
مروت یوخدی لشگرده نیدوم اصلا خداحافظ
..
..
..
..
اوغول نعشی برابرده باخور بیکس عموم مغموم
علی اصغر قالوب عطشان بالامظلوم آنا مظلوم
دوروب خیمه قباقنده پریشان دور بیبیم کلثوم
باغشلا عمّ نام آور سوسوز سقّا خداحافظ
..
..
..
..
رقیّه الده سو جامی دوروب خیمه قباقینده
عموم ناراحت و غمگین سکینه سو سراقینده
ربابین گوزلری گریان علی اصغر قوجاقینده
ئولوم خوشدور بو قالماقدان منه دنیا خداحافظ
..
..
..
..
ئورک گر یانماسا گوزلر یقیندی اشکبار اولماز
جفاگر چکمسه بلبل وفاسی آشکار اولماز
بو نوعی زنده قالماقدان منه هیچ افتخار اولماز
عموماً آل پیغمبر گل طاها خداحافظ
..
..
..
..
قلم آل نادری یازسون فلکدن بیر شکایت یاز
توجه ایله تاریخه یازندا دوز روایت یاز
جناب مجتبایه گوز یاشیلا سر سلامت یاز
دیدی قاسم اولا قربان سنه شاها خداحافظ
..
..
..
#قاسمیه #نادری #قاسمیه_شهادت #ترکی #زبدةالاشعار