گیرنده کوفیه زینب باخوب جدا باشینا – گلوبدی نیزده قانلو باشین دیله قارداش #کوفه_سعدی_زمان

کوفه
.
.
مرحوم حسینی سعدی زمان
.
.
گیرنده کوفیه زینب باخوب جدا باشینا
دییردی درد دلین اؤز یارالی قارداشینا
.
گلوبدی نیزده قانلو باشین دیله قارداش
کلام حقّی اوخور اهل باطله قارداش
.
دوباره یاره ووروبلار آخار باشون قانی
یانار بلالی باجون بیله نیسگیله قارداش
.
گئچن گئجه باجون ئولسون کول اوسته یاتمشیدون
محاسنون لشوب توپراقا کوله قارداش
.
اوقان دولان گوزون آچ دربدر عیالووه باخ
ووروبدی بوینوموزا شمر سلسله قارداش
.
بلالی باشوین عشقی سالوب بلایه منی
بو حال زاریمی بیرکیمسه یوخ بُله قارداش
.
یاناندا خیمه لرون یانمیشام آنام اوغلی
دونوبدی آه دلیم اودلی مشعله قارداش
.
اوقدر قمچی ووروب شمر قوللاریم گووروب
بو غملریله باجون اؤلمیوب هله قارداش
.
باشمیدان آلدیلا غارت گونونده معجریمی
ائدوم نچارهکی محتاجم حائله قارداش
.
یوزوم اچوقدی ولی زلفیمی نقاب ائدرم
یوزینی گورسه له زیبن گرک ئوله قارداش
.
ندن سوروشموسان احوالینی بو خونجگرین
باجونی هاردا گوزوندن سالار بیله قارداش
.
الینده دف چالوری کف بو اهل کوفه تمام
ورولّا آتش طعنیله اود دله قارداش
.
سینیق کجاوه ده بازاری باش آچوق گزورم
بو بخت قاره ده باخ بیر تحمله قارداش
.
بو اهل کوفه تصدق ویرولّه قیزلارووا
دوشوبدی عترتوون امری مشگله قارداش
.
«حسینی» زینب کبری دیلینجه یاز بیرده
گلوبدی نیزه ده قانلو باشون دیله قارداش
.
.
#کوفه #سعدی_زمان
#گیرنده_کوفیه_زینب_باخوب_جدا_باشینا
#گلوبدی_نیزده_قانلو_باشین_دیله_قارداش
#چهارده_معصوم_حسینی ص 186
#ترکی
#زبدةالاشعار