یاتوبدی قونشولار هامی ولی علی یاتانمیور #فاطمیه_حضرتی_ناعمی

زبانحال حضرت علی (ع) در شهادت حضرت زهرا (س)
.
.
.
#سبک_اماندی_ایلمه_فغان
(ترکیب دو سبک الهی یانمیوم نجه یا الهی غملی کوفه نون .. با بند دوم به سبک : تا مشکتو تو آب زدی)
مشابه
پخش‌کننده صوت

.
.
علیرضا حضرتی ( ناعمی )
.
.
یاتوبدی قونشولار هامی
ولی علی یاتانمیور
سنون یارالی سینوی
خیالیدن آتانمیور
.
بیلوسن کی غرق مصیبتم
یاتا بیلمورم کی خجالتم
.
وئرنده غسلون اورک بو محنتده یاندی
سنون کمال وفاوی آندی دایاندی
سو توکدی اسما او یارالی سینون اوسته
ولی سینوندن قان آخدی حیدر اوتاندی
یارالی یا زهرا …
.
.
.
.
.
.
.
اماندی سس وئر عم قیزی
شکسته دل عم اوغلوا
جهان اولوبدی غم سرا
بو خسته دل عم اوغلوا
.
یانارام مدینه ده یالقوزام
منی تک قویوبسان آدامسیزام
.
دونوبدی قانه دل زار و بی قراریم
حدیث هجران یازار چشم اشکباریم
در و دیواره گوزوم هر لحظه دوشنده
چئکوب های احوالیمه آغلار ذوالفقاریم
یارالی یا زهرا …
.
.
.
.
.
.
.
یارالی دلبریم! علی
لباس وصلوی سویوب
سنی قویاندا توپراقا
بو زندگانیدن دویوب
.
گل ناز باغ جهانیدون
ئولومون تئزیدی جوانیدون
.
اورگیم یا فاطمه سندن آرالاشماز
بو سس سیز آغلاماقیم دل بغضونی آچماز
نئچیکی عمروم وار آغلارام بو محنده
کی اون سکگیز یاشلی یاره کفن یاراشماز
یارالی یا زهرا …
.
.
.
.
.
.
.
.
آدون اولوبدی ازبریم
یانوب غمونده آغلارام
آخار جماله گوزیاشیم
دیزیمی من قوجاقلارام
.
یئری واردی قلبیمه غم دولا
منه ایندی کیمدی کی یار اولا
.
سنی مندن سالدی دنیا آرالی زهرا
علی آغلار محنتونده وفالی زهرا
پریشانم حالیمی یوخ سنسیز سوروشان
قوجالموشام فرقتوندن یارالی زهرا
یارالی یا زهرا …
.
.
.
#فاطمیه_شهادت
#یاتوبدی_قونشولار_هامی_ولی_علی_یاتانمیور
#حضرتی_ناعمی
#ترکی
.
.