یاحسین ای سید و سالار عشق #حسینیه_واصف_مرندی

سید و سالار عشق
.
زبدة الاشعار
.
: @nohe_torki
.
کربلایی احد ظهرابزاده (واصف مرندی)
.
یاحسین ای سید و سالار عشق
سنده واردیر جاودان آثار عشق
.
اول گونویکی گلمیسن بوعالمه
ائتمیسن هرگون فقط شاهکار عشق
.
شاهکار ایلر آدین یازسا قلم
دفتریمدن قوزانار انوار عشق
.
روز وشب شاعرلرین دیوان یازا
باشه چاتماز مدحت واشعار عشق
.
بولمورم عاشقلریلن نیلدین
عالم اولدی دردیوه بیمار عشق
.
دردیمیز وار اوستون اما آچمیریق
دردیدن سیننده وار انبار عشق
.
اصغرین آدی گلن بازاریده
یوسف اولماز وارد بازار عشق
.
عشقیدن چوخلار ویرار عالمده دم
لیک اولانمازلار شه ابرار عشق
.
بیر امیدیلن حسین چی اولموشوق
کامه چاتماز کیم ائده انکار عشق
.
گرقیامتده شفاعت ایله سن
نار و نیراندا اولارگلزار عشق
.
صادقانه شعره چکسم صبریوی
افتخار ایلر سنه غمخوار عشق
.
آللهین گویده زیارت ایلییب
قبریوه هرکیم اولا زوار عشق
.
پاک آدیندا اسم اعظم فیضی وار
گر چکیلسه پرده ی اسرار عشق
.
کیم سنه وابسته دی وارسته دی
چونکی سنده کاملا معیار عشق
.
ایستیرم بو بیتیمی تائید ائده
مجلس عشقینده کی حضار عشق
.
آند اولا زینب اوجالدان پرچمه
کربلادور وعده ی دیدار عشق
.
ئوز ابوالفضلین وصیت ائلیب
زینبیندور عالی پرچمدار عشق
.
چوخلار عاشقلیقدا ایلر ادعا
ئوز توانینجه ائدر رفتار عشق
.
مدعی لن دولسا بو دنیا اگر
زینبیندور غافله سالار عشق
.
.
.
یازدی زینب شاهکار مدحیوی
ویردی تاریخه لوای فتحیوی
.
.
.
واقعی عنوان سنین عشقینده دی
دفترو دیوان سنین عشقینده دی
.
گچسه ده مین دورد یوز ایل مین بش یوز ایل
عزت دوران سنین عشقینده دی
.
اکبریندن بیر گوزلیک گورسنیب
جنت رضوان سنین عشقینده دی
.
یازدی علقمده ابوالفضلین الی
دردیلن درمان سنین عشقینده دی
.
آند اولا ئوز عشقیوه ایثاریوه
محور و میزان سنین عشقینده دی
.
اویمارام بو دنیوی لذتلره
لذت احسان سنین عشقینده دی
.
غم چولونده خیمه گاه عشقیده
بیر سوری عطشان سنین عشقینده دی
.
غم گونونده قورخولی میدانیده
سینه لر شان شان سنین عشقینده دی
.
آند اولا یتمیش بیر انسانیته
قاطعی برهان سنین عشقینده دی
.
مکه نی غصب ائتسه ده آل سعود
کعبه و قرآن سینین عشقینده دی
.
یازدی زائرلر قرا پرچملره
خلق سرگردان سنین عشقینده دی
.
کربلانینده یولون باغلادیلار
گوردولر هریان سنین عشقینده دی
.
باغلی یولاری آچیب گوز یاشلاری
چون کی بو پیمان سنین عشقینده دی
.
آند اولا غملی منا حجاجینه
واقعی قربان سنین عشقینده دی
.
اول مناده تشنه لب جان وئرمه لر
ای شه عطشان سنین عشقینده دی
.
هرنییم وار آدیوا قربان اولا
پیکریمده جان سنین عشقینده دی
.
تربتین سجاده لرده مهردی
پایه ی ایمان سنین عشقینده دی
.
.
.
نسل وهابی چکنمور دردیوی
حکم جاویدان سنین عشقینده دی
.
سجده حالینده دوشنده تپراقا
سایه ی رحمت سالوبسان آفاقا
.
بیردعا باحال عطشان ایلدین
عالمی پوزدی پریشان ایلدین
.
یاره لردن آخدیقجا لخته قان
دردیلن هردرده درمان ایلدین
.
داغلی قلبیندن چکنده سوز آه
زمزم وکوثر گوزون قان ایلدین
.
غیرتیندن دوره وی دشمن گوروب
نه سیزیلدادین نه افغان ایلدین
.
کوینگین غارت اولونموش دردینه
کعبه گاهی بیت الاحزان ایلدین
.
هرنیین واریدی بیر گون چکمدی
ئوز الیلن عشقه قربان ایلدین
.
.
#ورود_محرم
#حسینیه_مدح
#یاحسین_ای_سید_و_سالار_عشق
#ترکی
.
#زبدةالاشعار
.
: @nohe_torki