زبدةالاشعار

من یتیشدیم مقصده بو یرده مأوا ایلرم #ورود_کربلا_عدلی_تبریزی

ورود به کربلا
زبانحال حضرت امام حسین علیه السلام
.
✍️ زبدة الاشعار ✍️
.
🆔: @nohe_tork
.
حاج اصغر فرشچی (عدلی تبریزی)
.
من یتیشدیم مقصده بو یرده مأوا ایلرم
جانمی جانانیلن بو چولده سودا ایلرم
.
بو زمین کربلادی توپرا قوندا جذبه وار
یار و انصاریمله من بویرده سکنا ایلرم
.
من بو دشتی عشقیمیله ایلرم بازار عشق
منزل آخردی بوردا خیمه بر پا ایلرم
.
حَجّیمی تکمیل ایدم یتمیش ایکی قربان واریم
ذبح اعظم قانینه بو دشتی دریا ایلرم
.
دست بیعت ویرمرم ویررم بو یرده باشیمی
نقشیمی قرآن و دینه یاخشی ایفا ایلرم
.
دشمنیم ایستر منی گورسون خمیده قد باجی
من خمیده قدیمی آلله یانوندا ایلرم
.
ماسواللهدن گچوب باش اگمرم ظالم لره
مو به مو قرآنون حکمون بوردا اجرا ایلرم
.
قبل عاشورا باجی جمع ایلرم یارانیمی
بی وفانی با وفادن فعله منها ایلرم
.
تا اولا اتمام حجت من امام بر حقم
من کیمون نسلیندنم قومه هویدا ایلرم
.
سویلرم احمدی جدیم حیدر کرار آتام
کیم آنامدی فاطمه هم ذکر زهرا ایلرم
.
اصغری آللام قوجاقه الده بیرقران دوتوب
روبرو دشمنله اوللام سو تمنا ایلرم
.
سو ویرولمز لیک آتاردین دشمنی تیرسه پر
شیرخواریم جان ویرر منده تماشا ایلرم
.
جان ویرن لحظه گولر گویا دیر ممنون بابا
من دوزوم لفظین جهانه اوردا معنا ایلرم
.
بیرگلستان گل گتوردوم بوردا پرپر اولماقا
هرگولوم قربان دین غنچمده غوغا ایلرم
.
بو یرین توپراقینا قانیم منیم ارزش ویرر
دردمندانه بو یرده من مداوا ایلرم
.
«عدلی» تک کیم گلسه خدمت ایتماقا درگاهیمه
دفتر عشقه آدین من ثبت و امضا ایلرم
.
.
#من_یتیشدیم_مقصده_بو_یرده_مأوا_ایلرم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آنان که حسینی روش و پاک سرشتند #حسینیه_آخوندی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی