غدیر و ولایت
.
✍️ زبدة الاشعار ✍️
?: @nohe_torki
.
واصف مرندی
.
یاعلی یوخدور شیرینلیق جانیلن تندن صورا
آرزو یوخ بلبله گلزار و گلشندن صورا
آدیوا لایق دگول هر کلمه احسندن صورا
جان و گلشن مرد احسن کیم اولار سندن صورا
رحمت احسانلاری بی منت سنین عشقینده دی
فاطمه کوثردی گر جنت سنین عشقینده دی
.
.
مدحیوی شعره چکنده دفتریم زینتلنر
دفتریم زینتلننده مطلبیم قیمتلنر
مطلبیم قیمتلننده زندگی لذتلنر
زندگی لذتلننده قولاریم قوتلنر
ورمیسن انسان و انسانیته ارج و بها
کیم سنین دامانیوی دوتسا چاتار تیز آللها
.
.
حقیوی انکار ایدن فکر ایلسین آخر گونی
عمری مین ایلده اولا ضایع اولوبدور هر گونی
کیم بوله اما غدیری دین گونی باور گونی
خوش نتایج کسب ایدر بو باره ده محشر گونی
مطلبین حقی ادا اولماز عنایت اولماسا
هیچ عمل ویرمز نتیجه گر ولایت اولماسا
.
.
ایتدی فرمایش پیمبر شهر علمم امته
بو علی دروازه ی اصلیدی دارا همته
کیم علی سیز وارد اولسا علمگاه حکمته
ایکی دنیاده ئوزون حسرت قویوبدور رحمته
کیم آشا دیواریدن هر شهر و بزمه دزد اولار
دزد مین ایللر عبادت ایله سه بی مزد اولار
.
.
اعتقاد ایستر بو جمله ای مرید باوفا
حضرت زهرایه فرمایش ایدیبدور مصطفا
بی وضو هر کیم علی آدین دئسه گورمز صفا
روح و جسمینده مریض اولسا تاپا بولمز شفا
چون علی نین حقی کامل اعتقاد اوستونده دی
کیم بونی انکار ایده جهل و عناد اوستونده دی
.
.
آدینا قربان اولوم مینلر قلم تعریفی وار
هرقلمده مین کتابت مدحی وار توصیفی وار
چون پیمبر امریدی نه نقص و نه تضعیفی وار
کیم آدیندان دم ویرا بوینوندا چوخ تکلیفی وار
لافتا الا علینی هرقلم مدح ایله سه
وار یری هربیر رقابتگاهی گر فتح ایله سه
.
.
چوخلاری منبرده ایللر خطبه ایراد ایلدی
مطلبی رنگ و ریائیلن قلمداد ایلدی
آل سفیان تک جهاندا فتنه ایجاد ایلدی
اوتدوقی منبر ده حتی لعن فریاد ایلدی
کچدی دورانلار بونی اثبات ادیب مردان دین
لا ابالی لر اولانمازلار امیرالمومنین
.
.
بولمروم اما علی آدیندا عالمده نه وار
زهریده ایچسم اگر عشقینده ایلر خوشگوار
حقینه قائل اولان قلبا اولار امید وار
ایلییب اوغلی حسین بوباره لرده شاهکار
زندگیسین ایلدی ایککی جهاندا منجلی
اوچ اوغول ورمیشدی آللاه آدلارین قویدی علی
.
.
بیرعلی سی اکبریدی شبه پیغمبرجمال
بیر علی سی اوسطیدی واقعا مولا خصال
بیر علی سی اصغریدی بی بدیل و بی مثال
(واصف)احسنلر یازار بومکتبین استادینه
دوندریبلر کربلا دشتین علی نین آدینه
.
.
#غدیریه
#حیدریه_مدح
#یاعلی_یوخدور_شیرینلیق_جانیلن_تندن_صورا
#واصف_مرندی
#ترکی
.
✍️ #زبدةالاشعار ✍️
?: @nohe_torki
نظر دهید