زبانحال حضرت زینب (س) در کوفه
..
..
رضوی زنجانی
..
..
یامان وقته بو زینبدن حمایت ایلدون قارداش
یارالی قلبیمه الحق طبابت ایلدون قارداش
..
جدا اوستن دوشور نورین بو ظلمت کوفیه الآن
بو نوریله جهان اهلین هدایت ایلدون قارداش
..
باجوین قان اولان قلبین دوتولموش غصّه دن گوردون
که تئز پیشوازه گلدون چوخ عنایت ایلدون قارداش
..
نه خوش لهجیله نی اوسته اوخورسان آیۀ قرآن
کتاب حقّی چوخ عالی تلاوت ایلدون قارداش
..
ئوزون عالی سوزون عالى یرون الآن اوجا منبر
اوجادان کهفین احوالین روایت ایلدون قارداش
..
ایشیتدی کوفه نین اهلی بو گفتاره قالوب حیران
کسیک باشیله بیر معجز بو ساعت ایلدون قارداش
..
حجازی لحنین آی قارداش سالور پیغمبری یاده
بو گفتاریله دنیاده قیامت ایلدون قارداش
..
..
..
خسوفه صورتین گورّم دوشوب امّا مه عالم
بو حاله زینبین قربان اولیدی ای شه عالم
..
..
..
باجیسیندان او گون مولا حمایت ایلین وقته
کتاب حقّى شوقیله تلاوت ایلین وقته
..
کسیلدی صوت قرآنی خانم زینبده دیسکندی
یارالی باشینه بیر داش اصابت ایلین وقته
..
دیدی قارداش گنه دگدی یارالی باشیوه یاره
یارالی باشیوه بولّار جسارت ایلین وقته
..
جوابی بس ندور حقّه قیامتده بو اعدانین
آنام زهراده بولّاردان شکایت ایلین وقته
..
قیریلدی رشتۀ قلبیم دولاندی باشیمه دنیا
محاسیندن آخان قانه نظارت ایلین وقته
..
اینانموردی بولار قارداش سَنَن حقّین هواداری
یتیشدون داده، کفر اهلی شماتت ایلین وقته
..
یوزونده گورسنور اما نشانه ظلم خولیدن
جهانی تیتردوب دینه خیانت ایلین وقته
..
..
..
سنه مطبخده یر سالمش یوزونده وار کول آثاری
مگر بیلمیردی پیغمبر ایدوب بوسه او رخساری
..
..
..
بو حالیوی گوروب زینب دوباره داغدار اولدی
چتین وقتیمدی بو ساعت باجون دای بی قرار اولدی
..
کول اوسته بسترون سالمش سنون ئوز قاتلین قارداش
جفاسی خولینین الآن جهانه آشکار اولدی
..
الیم گر باشیوه چاتسا ئوزوم سیلّم کول آثارون
کول آثارون گوروب یوزده ملالیم بی شمار اولدی
..
هزار افسوس الیم یتمز غبارین پاک ایدم یوزدن
بو غمده چشم خونباریم دوباره اشکبار اولدی
..
منای عشقیدن قارداش نجه بو کوفیه گلدون
خبر هیچ دوتمادون زینب نه هجرانه دوچار اولدی
..
باجون هجرونده آز قالدی مناده غصه مرگ اولسون
گونوم سندن سورا قارداش جهاندا لیل تار اولدی
..
بیله معلوم اولور امّا گلوب دیداریوه زهرا
مطهّر باشیوین عطری بو شهره مشکبار اولدی
..
..
..
یارالی سینیه حتماً آلوبدور باشیوی زهرا
باشین گون تک سالور جلوه ایا شمس جهان آرا
..
..
..
ولی سؤیله گوروم زهرا نه سمته رهسپار اولدی
بیله فکر ایلورم عازم گنه غملی دیار اولدی
..
نه نوعی سندن ال ئوزمش اونی الله بیلور قارداش
یقیناً رأس انوردن گوزی یاشلی کنار اولدی
..
او حالدا من سنی گوردوم آنام زهرا نیدر گورسه
منیم که روحیمه الحق او گونده چوخ فشار اولدی
..
بدنده روحیم آی قارداش سخیلدی نعشوی گوردوم
که سندن آیرلان وقته بیر ئوزگه روزگار اولدی
..
جنازه ن قالدی قوم اوسته باجون کوچ ایلیوب گلدی
اورک بو غصّه دن امّا دوباره زخمدار اولدی
..
یخلدون مقتله تشنه، سوسوزجان ویردون آی قارداش
ویروبلار اوت او گون اما خیامین تار و مار اولدی
..
باشین نی ده گزیر الآن ایدور دشمنلری رسوا
کسیک باشین جدا اوسته سنون دشمن شکار اولدی
..
حسین دوتسا الیندن گر «رضوی» هر نیین واردی
دیمزلر بو حسینچیدی عجب محشرده خوار اولدی
..
..
..
#کوفه #رضوی_زنجانی #ترکی #زبدةالاشعار
نظر دهید