زبانحال زینب کبری در اسارت کوفه
..
..
سیفی اردبیلی
..
..
نیزه دن بو کاروانه ایله بیر نظر حسینیم
چوللری گزور حرملر گور نه دربدر حسینیم
..
..
نار درد و ابتلادن قلب داغداریمز وار
گرد و خاک کوی غمدن گورملی عذاریمز وار
بیز بنات مرتضایوک گورنه روزگاریمز وار
قولدا ریسمان قالوبدور قیزلارون ملر حسینیم
..
..
..
قویمادی قالا مشیّت قمریان عشقه لانه
آشیانه سیز حرمدن کام آلار دنی زمانه
وارنه جای استراحت نه دیونجا آب و دانه
آل عصمتون عذاره خون دل توکر حسینیم
..
..
کوفه اهلی شادلیق ایلر بیز ایدنده آه و افغان
پایتخت مرتضایه عترتون گلوبدی مهمان
هر باخاندا بختی قاره نوعروسه سویلرم جان
باشدا قاسمون قراسی در بدر گزر حسینیم
..
..
بیز مگر بو قوم پست کوفیانه نیلمشدوک
سالدیلار بیزی بو درد جانستانه نیلمشدوک
اشکمیز آخار عذاره دانه دانه نیلمشدوک
کول سپولّه باشیمیزدن قوم فتنه گر حسینیم
..
..
من او زینیم که بیر گون بو دیار ابتلاده
شأن شوکتیم واریدی خلق ایچینده فوق العاده
بانوان کوفه مندن ایلیوب چوخ استفاده
حیف او خدمتیکه مُزدین ایتدیلر هدر حسینیم
..
..
آخ نه بیمروّت ایمش بو بهانه جو جماعت
آل حیدره قوروبلار صحنۀ غم و قیامت
مکتبیمده درس آلانلار ایلیور منه شماتت
سفره مون دوزون یییَنلر ال چالوب گُلر حسینیم
..
..
باشووی جداده گوردوم گون کیمی ایدر تجلّی
یوز گوزونده قانه ایتدیم قلبی یاره لی تماشا
آخ دیدیم سالوب نه حاله گور سنی بو قوم اعدا
ویرسه لر باجون گوزوندن قانوی سیلر حسینیم
..
..
دگدی بیربیره دوداقون کوی عشقه باب آچلدی
کهفی ایلدون تلاوت سرّ انقلاب آچلدی
نیّر جمال حقدن گوئیا نقاب آچلدی
ال جالوب گُلن جماعت توکدی اشک تر حسینیم
..
..
درک ایدوب عدو دانشسون ولوله دوشر جهانه
جذب اولار شعور ملت سنده کی گوزل بیانه
سنگ ظلمه ایتدی فوراً مه جینوی نشانه
رام ایدوب صدای حقّی قوم خیره سر حسینیم
..
..
#کوفه #سیفی_اردبیلی #ترکی #زبدةالاشعار
نظر دهید