یامحمّد سنه فخر ایلسه عالم یری وار #پیامبراسلام_سیفی_اردبیلی

مدح و میلادیه حضرت رسول اکرم صلی الله علیه وآله و سلم
.
زبدة الاشعار
.
: @nohe_torki
.
سیفی اردبیلی
.
یامحمّد سنه فخر ایلسه عالم یری وار
قاپوی دوگسَه مَلائکده دمادم یری وار
.
هراو عاشقکه سنون خیمه قوروب سایونده
بیلسه گرتربتوی دردینه مَرهَم یری وار
.
فیض دامان گلستانی اگر ترک ایلسه
بوسه ورسا قَدَم پاکوه شبنَم یری وار
.
اوفضیلت که سنه بذل ایلیوب رَبّ جلیل
اونا غبطه ایلسه حضرت آدم یری وار
.
انبیا ایچره خدا بیرسنه لولاک دیوب
سندن آختارسا مَسیحاده اگردَم یری وار
.
سنون عشقوندن ئوتورعشرت دنیانی ساتان
در حورا خَدَمونده اولا مَحرَم یری وار
.
پَرتو حسنوه هرباخدوقیجاشمس وقَمر
قامتین ایلسه تَکریموه گر خَم یری وار
.
چرخ چارمدن اگر ایتسه تماشا یوزووَه
اولسا واله پسرصالحِ مَریَم یری وار
.
مدحتونده قالا آواره قلم ذیحقدی
واژه شانونده نه اندازه گَلَه کم یری وار
.
من سَنی سَرسَبَد عالم هستی تانورام
بوندان افضل دیَه بیلسَمده مُسَلّم یری وار
.
.
.
.
#17ربیع
#مبعث
#یامحمد_سنه_فخر_ایلسه_عالم_یری_وار
#سیفی_اردبیلی
#ترکی
.
#زبدةالاشعار
.
: @nohe_torki