یانور جماعت اصغریم سوسوزدان #اصغریه_عاصی_تبریزی

زبانحال امام حسین (ع) در عطش حضرت علی اصغر(ع)
خطاب به لشکر کوفه و شام
..
..
#سبک_امید_و_سقای_حرم_اباالفضل
..
..
..
مرحوم عاصی تبریزی
..
..
..
..
یانور جماعت اصغریم سوسوزدان
سولوب بو غنچۀ تریم سوسوزدان
اولوب کباب، چوخ اضطراب (اصغریم)
ائدر، بو نازپروریم سوسوزدان
..
..
..
..
خیامده سوگلموری گمانه
گلوبله خوردا قیزلاریم فغانه
پوزولدی دوندی گلشنیم خزانه
سارالدی سولدی گللریم سوسوزدان
..
..
..
..
سو جامی تشنه قیزلارین الینده
یانا یانا سو صحبتی دیلینده
شرارۀ عطش یانان دلینده
ائدر نوا حرملریم سوسوزدان
..
..
..
..
گورون نئجه روادی ای جماعت
یانا سوسوزدان عترت رسالت
قیام ائدوب خیامده قیامت
یانار بنات حیدریم سوسوزدان
..
..
..
..
گورن یقین بو سود امر اوشاقی
بولر نئجه یانور دلی دوداقی
منیم بسیمدی اکبرون فراقی
علاوه سوز لبلریم سوسوزدان
..
..
..
..
بو سهلدور که ای گروه عدوان
هامی کومکلریم ئولوب لب عطشان
وئروبدور اکبریمده تشنه لب جان
روادور ئولسون اصغریم سوسوزدان؟
..
..
..
..
عطش بالامی قویمیوب ائده خواب
دوشوبدی نطقدن اولوبدی بیتاب
گلون وئرون بو طفله بیر ایچیم آب
کباب اولوب بو مضطریم سوسوزدان
..
..
..
..
یانور ائله بو طفل شیرخواره
دونوبدی حالی حال احتضاره
گوزی آخوب نفس دوشوب شماره
ئولور بو ماه منتظریم سوسوزدان
..
..
..
..
عیاندی اولسا لطفی گرامامون
اولور مؤثر عاصیا کلامون
بو اوز کلامدور او تشنه کامون
یانور جماعت اصغریم سرسوزدان
اولوب کباب چوخ اضطراب
ائدر بو ناز پروریم سوسوزدان
..
..
..
..
#اصغریه #عاصی_تبریزی #اصغریه_شهادت #ترکی #زبدةالاشعار