شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
یا حسین سنون حالیوه او گون گلدی نالیه یرلر آغلادی
آچدی باشینی قدسیان هامی عرش تتردی گوگلر آغلادی
.
.
انتهایه یتدی مصیبتون دوزدون هر غم و درد و محنته
گئچدی صبرون اندازه دن سنون اهل عالمی سالدی حیرته
لاله گون اولوب رنگ صورتون محنتون یتشدوقجه شدّته
مات اولوبدی بو صبره ماسوا چکدی سس ملائک لر آغلادی
.
.
اوندا کیم سنی فرقۀ دنی ذوالجناحیدن سالدیلار یره
اوستوه هجوم ایلدی قوشون آلدی دوره وی مثل دایره
یاره ویرماقا جسم پاکیوه سبقت ایتدی لشگر بیری بیره
آچدی باش وجودینده یاره لر آخدی قان یره پیکر آغلادی
.
.
بولدولر سنه بیر نفر داخی دادخواه اولان یوخدی وردولار
دیمادی جفا اهلی ظلمدن سانمادی یاران چوخدی وردولار
گوردیلر وجود مقدّسون زخم نیزه و اوخدی وردولار
بند بند اولوب دوغرانوب بدن گلدی رقّته لشگر آغلادی
.
.
اولمادی دین بو یارالییه بیر بئله یارا بسدی ورمیون
اکبری ئولوب قلبی داغلانوب غصّه لیدی بی کسدی ورمیون
قورتولوب نفس جسمیدن داخی روح علاقه سین کسدی ورمیون
گوزلری آخوب حالینه باخون توکدی گوزدن اشگ تر آغلادی
.
.
خنجر الده عزم ائیدی قتلیوه اونداکیم سنون شمر بی حیا
ما سوا باتوب یاسه آغلادی آچدی باشینی ختم الانبیا
فاطمه آنان ساچلارین یولوب وردی باشنه شاه اولیا
جبرئیل آلوب تاجینی اله حالیوه پیمبرلر آغلادی
.
.
آه او وقتدن شمر شوم دون ایستدی سالا کونه ولوله
نالۀ ضعف ائتدی فاطمه جدّون آلدی عمامه سین اله
باتدی گون دوتوب ظلمت عالمی دوشدی عالم قدسه غلغله
قاره چکدیلر عرشه قدسیان جنّ و انس و نه کشور آغلادی
.
.
بانوان دین خیمه گاهیده سمت مقتله سالدیلار نظر
خنجر آلتدا مقتولی گوردیلر قاتله باخوب العطش دیر
چیخدیلار هامی خیمه گاهدن دلده وا حسین گوزده اشگ تر
قویدولار او دم قتلگاهه یوز قرخا دین قرا معجر آغلادی
.
.
گوردیلر داخی یوخدی بیر نفر ائلسون کمک شاه بی کسه
الده خنجری شمر بی حیا ایستوری حسینون باشون کسه
چکدی نالۀ وا محمدا یولدی ساچلارین وئردی سس سسه
یاندی اهل بیتین او حالینه شمر الینده کی خنجر آغلادی
.
.
آچدی گوزلرین شاه تشنه لب باخدی بیر او پوزگون عیالنه
گوردی جمله سی سر به سر دوشوب غرق اولوبلار بحر ملالنه
ائیله صبرین آلدی بو ماجرا یاندی اهل بیتین او حالنه
دولدی قتلگه شور و شینله قانیله دولان گوزلر آغلادی
.
.
سویلدی آنام باجی دورما گئت اهل بیتی قیتر خیامه سن
هر قدر ساقام گورمیوم سیزی بئیه خوار دشمن الینده سن
باشیمی کسن وقته قاتلیم بیرده باجی جان تاب ائدنمسن
باخدی بیر حسینون او حالینه زینب الم پرور آغلادی
.
.
قتلگاهده قویدی قارداشین ایلدی اوزی عزم خیمه گاه
گه گئدیردی گاهی دنوب باخوب قتلگاهه دیلدن چکردی آه
گوردی قلبی دوزمور خیامیدن سرعتیله چیخدی او بی پناه
وار یری دیسم گر او حالنه چکدی ناله دشمنلر آغلادی
.
.
بولمورم نه نوعی دوباره دن گلدی قتلگاهه او آز یولی
جسمینه یتشدی نه صدمه لر یا گوگرمدی هر ایکی قولی
غسلنی وئرنده نشان وئروب ظلم لشگری زخم ساق صولی
بو قضیّه ده «عاصی» اود دوتوب یاندی خامه و دفتر آغلادی
.
.
#حسینیه_عاصی_تبریزی
#حسینیه_شهادت
#یا_حسین_سنون_حالیوه_او_گون_گلدی_نالیه_یرلر_آغلادی
#ترکی
.
✍️ #زبدةالاشعار ✍️
.
🆔: @nohe_torki
نظر دهید