یا حسین قوناقیوی ، یخدیلار هرایه گل #نادری

نوحه حر ریاحی (ره)
.
زبدة الاشعار

?: @nohe_torki
.
مرحوم قدرت اله نادری میانجی
.
یا حسین قوناقیوی ، یخدیلار هرایه گل
ای خلیل کربلا ، دادیمه منایه گل

.
گل دوشوبدی توپراقا، حرّ ناتوان آقا
غرق ائدوبله قانیمه، قوم کوفیان آقا
گل یوزون گوروم ئولوم، ای شه جهان آقا
دوشموشم یارالیام، مقتل بلایه گل

.
کشف راز ائدوم سنه، قلبدن خجالتم
من سودابه دن بورا ،شامل ملامتم
باشیم اوسته گل اگر ،قابل شفاعتم
لطف قیل خیامدن ،جانب صدایه گل

.
تنگ قیلدوم عرصه نی، من ازلده دشمنه
اولمادی کمک دگوب، چوخلی یاره لر منه
محضرونده ایسترم، جان ائدم فدا سنه
سالدیلار قوناقیوی، دشت کربلایه گل

.
سسلرم هراییمه، شاه انس و جان گله
عرش و فرش زینتی، سرور جهان گله
شاه کربلا حسین، صاحب زمان گله
دشمن آز قالوب وورا ،باشیمی جدایه گل

.
سال غلامی یادیوه، لطف قیل قوناقیوه
گل زیارت ایلیوم، یانمیشام فراقیوه
بلکه آخر عمریده، یوز قویوم ایاقیوه
دشت نینوا چولی، مرکز نوایه گل

.
شاه ائشیتدی خیمه ده، نوکر التجاسینی
شاهباز تک گلوب، تاپدی آشناسینی
گوردی که خضاب اولوب، قانیله محاسینی
امر ائدوبدی آچ گوزون، منله آه و ایه گل

.
باشینی دیز اوستونه ،آلدی سویله دی امام
جسمیوی نجه گوروم، اوخدی نیزه دور تمام
سندن ائتدیلر خجل، گور منی بو اهل شام
غیر آشنا گئدوب، سمت آشنایه گل

.
حرّ نامدار او دم، آچدی قان دولان گوزون
باشینی گوتوردی تئز، قویدی توپراقا یوزون
اوّل ایلیوب سلام ،بعداً عرض ائدوب سوزون
ای سراج دین حسین، دردیمه دوایه گل

.
من غریبدن اگر، راضی اولسون ای آقا
اذن وئر یوزوم قویوم ،محضرونده توپراقا
توپراقا دوشن باشین، وار یری اوجالماقا
آز قالوبدی کوچ ائده، عالم بقایه گل

.
ای حسین چیلر ائدون، سیز حسینه افتخار
بیله معدلت کرم، کیمده وار بو اقتدار
ایلدی بهشت ده ،حرّی صاحب اختیار
#نادری بو درگهه، دائم التجایه گل

.
#سبک_مسلمون_شهادتی ( 5 سبک سینه زنی و زنجیر )

.
#اصحاب_الحسین
#حر
#یا_حسین_قوناقیوی_یخدیلار_هرایه_گل
#نادری
#ترکی
.
#زبدةالاشعار

?: @nohe_torki