صلوات چهارده معصوم (ع)
.
.
مرحوم صحاف تبریزی
.
.
یا رَبَّنا صلِّ عَلی مُحَمَّد
بَدرُالدَّجی شَمسُ الضَّحی مُحَمَّد
صَلِّ عَلى مُحَمَّد و آلِهِ
.
.
علّت غائی تمام عالم
اشرف الأنبیاء رسول اکرم
باعث خلقت سلیل و آدم
مظهر ذات کبریا مُحَمَّد
.
.
مقامنی درک ائده بولمز ادراک
گر اولماسیدی بو امیر لولاک
نه آی نه گون نه خلق اولوردی افلاک
وجودی زینت سما مُحَمَّد
.
.
جهانی چولقامشدی کفر و ظلمت
ایدردیلر هامی بته عبادت
طلوع ایدوب او نیّر هدایت
سالوبدی گون کیمی ضیا مُحَمَّد
.
.
جهانی ائیلدی جمالی روشن
قدومی صفحۀ ثرانی گلشن
سما و ارضی ایلیوب مُزَیَّن
خاتم کلّ انبیاء مُحَمَّد
.
.
ائدن کیمی او نور حق تجلّا
شکست اولوب بنای طاق کسری
بیر اوزگه انقلاب ائدوب هویدا
جهاندا میر ماسوا مُحَمَّد
.
.
نه نوعی وصف ائدوم بو شاه دینی
بو قدری وار علیدی جانشینی
نجه علیدی دین حق معینی
اوزی اُونی ایدوب ثنا مُحَمَّد
.
.
یگانه بخت شهریار بطها
حبیبۀ خدا بتول عذرا
حسینیله حسن آناسی زهرا
اونا اوزین ائدن فدا مُحَمَّد
.
.
جمالی چرخ حسنه مهر رخشان
الى اورکده زهریله وئرن جان
قالان مزاری گون ایوینده ویران
حسن بن علی ابا مُحَمَّد
.
.
بو خانوادیه سبب محقق
جهانی خلق ائدوب خدای برحق
بولاردى نور پاکه حقّ مطلق
سرور قلب مصطفا مُحَمَّد
.
.
محب اولان رسول عالمینه
دوتار عزا بو شمس مشرقینه
آدی گوزل اوزی گوزل حسینه
اولور او شیعه دن رضا مُحَمَّد
.
.
حسین، حبیب ذات کبریادی
حسین، عزیز ختم انبیادی
حسین نجات امّته فدادی
حسین سفینه ناخدا مُحَمَّد
.
.
حسین دور منابرین عزّتی
حسین دور مساجدین زینتی
حسین دور مجالسین شوکتی
تاپوب حسینیله بقا مُحَمَّد
.
.
حسین باشی کسیلمسیدی عطشان
دوتاردی کونی کفر آل سفیان
نه پایدار اولوردی دین نه قرآن
بیرى دینمزیدی یا مُحَمَّد
.
.
اودور که رأس شهریار دوران
اوخوردی نیزه لر باشندا قرآن
ائدردی حقّی اهل کفره اعلان
دینده اهل بیتی وامُحَمَّد
.
.
چهارده معصومیله حقیقت
خدا وئوروبه بو أمته فضیلت
اوزی بسویوردی خاتم نبوت
اَوّلنا آخرنا مُحَمَّد
.
.
اولان محب خاندان عصمت
تاپار صحّاف ایکی جهاندا عزت
حسینه صدق اوزیله ائیله خدمت
اولا سنینله هم صدا مُحَمَّد
.
.
#صلوات #صحاف_تبریزی #14معصوم #چهارده_معصوم #ترکی #زبدةالاشعار #پیامبراسلام #حیدریه #فاطمیه #حسنیه #حسینیه #پیامبراسلام_صحاف_تبریزی #حیدریه_صحاف_تبریزی #فاطمیه_صحاف_تبریزی #حسنیه_صحاف_تبریزی #حسینیه_صحاف_تبریزی
نظر دهید