یتشدیم عین مقصوده بو رنج بیشمار اوسته #اربعین_شهاب_تبریزی

زبانحال زینب کبری در سر قبر حضرت سیدالشهداء (ع)
.
#زبدةالاشعار
.
: @nohe_torki
.
مرحوم شهاب تبریزی و مرحوم #ساعی_تبریزی
.
یتشدیم عین مقصوده بو رنج بیشمار اوسته
من ایمدی جان ویرم خوشدور بو ششگوشه مزار اوسته
.
.
او گونکه جبریله زینب بو چولده سندن آیریلدی
و یا کیم بیله باذوق و صفا گلشندن آیریلدی
یقین ایله او گوندن روح زینب تندن آیریلدی
گلوبدور بیر قوری تصویری ایمدی بو مزار اوسته
.
.
دوشوب باشون دالنجا سیر قیلدیم سوى شاماتی
فقط تبلیغ ایچون گزدیم دولاندیم هر محلاتی
همان تبلیغیله کشف اولدی دینون هر رموزاتی
دوزوب هر ظلمه صبر ایتدیم رضای کردگار اوسته
.
.
او قدری زحمت و رنجین بودور آخر سرانجامی
عدو ایستردی خوار اولسون پوزولسون تا بو دین نامی
ولی من بو اسارتلن اوجاتدیم نام اسلامی
دیدیم تبلیغ دین هر بَرزَن و هر رهگذار اوسته
.
.
او گونکه بیزلری اعدا بو یردن ایتدیلر اخراج
سویولموشدوخ تماماً خیمه لر اولموشدی چون تاراج
حریم عصمتون گوردوم اولوبلار معجره محتاج
هره بیر نوعیله محزون غم سِتر و خِمار اوسته
.
.
زبس گوردوم ملول اولموش ویروبلر اذن گوز یاشه
او پوزقون بینوا اطفالوی جمع ایلدیم باشه
اوزوم بیر انتخاب معجر ایتدیم سالماقا باشه
آچوب زلف پریشانی داغتدوم مه عذار اوسته
.
.
دوا تاپمش گوروب دلده اولان درده او خوشخولر
آلوب سرمشق تا مندن او مهوشلر پری رولر
داغتدى صورته گیسوی مشکین عنبرین مولر
توکولدی یوزلره زلف سیه لر تاری تار اوسته
.
.
بوقدری وار بلوندوردوخ کیموخ کیملردی اهل دین
یتوردوخ عالمه گویا ندور بو مذهب و آئین
ندور عفّت معانیسی ندور حقّیّتی دینین
چالشدوخ سعیمیزجه تک به تک وقر و وقار اوسته
.
.
کسوک باشیله یوللاردا نه ذلتله گوروردون سن
طناب ظلم قوللاردا اوزاق یول دوره ده دشمن
چکوب سس آغلیاندا یا ایدنده ناله و شیون
ووراردی زجر بیدین قمچی باشه آه و زار اوسته
.
.
ایدندہ کوفیه وارد بیزی اول قوم بد افعال
تماشایه گلوردی صف بصف مرد و زن و اطفال
گلوب ایلردی استهزا هامی بایرام کیمی خوشحال
اوتورموش کوچه و برزَنده یا بام و جدار اوسته
.
.
اگر چه کوفه ده بیحدّ گوردوخ جور و ذلّتلر
گینه دوزدوخ نقدری ایتدیلر لعن و شماتتلر
ولی ابن زیادین ایتدوقی ظلم و اهانتلر
منی یاندوردی گیتدی صبریم اول جور و فشار اوسته
.
.
زبس اول کافر و بیدین ظمینده ایدوب طغیان
بیر الده بیر فنر بیر الده باشون شادمان خندان
دیردی وار غریبه دیشلرون ای سرور عطشان
حسین چوخ تیز قوجالدون سن ملال روزگار اوسته
.
.
او ظالم ایستدی کامل عنادین دلده بلدورسون
قمار أوینوب گلوب حضاریده ایستردی گلدورسون
او دم جلاده امر ایتدی بالان سجادی ئولدورسون
دیَن ساعت اولوب حاضر گلوب بیمار زار اوسته
.
.
او احوالی او ظالمدن گورنده خرداجا قیزلار
یغشدی دوره مه گویا آلوب آی دورین اولدوزلار
فغان ایلوب یانوبلار دلده گلدی اول پناهسیزلار
توکندی طاقت و صبریم ایله بیر انزجار اوسته
.
.
خلاصه کوفه ظلمیندن قوتولدی عترت زهرا
چکوبلر شام ویرانه طرف آل اللهی اعدا
دوشوب شامون یولوندا ناقه دن بیر خوردا قیز اما
دَوَه یولّاندى قالدی نور دیدم رهگذار اوسته
.
.
دگُلدی بی سبب قارداش جداده کونی یاندوردون
تمام قافله اهلین وروب لنگه دایاندوردون
آچوب قانلو گوزون باخدون چوله بیر گوز دولاندوردون
که آندوردون رقیّم قالدی دشت کوهسار اوسته
.
.
اولاندا شامه داخل بیز برهنه ناقه ده قارداش
گوگل گلدی زبس درده گوزوم توکدی یوزه قانیاش
حنا یاخمش اله جمله اَجامر اَرزَل و اوباش
اورک قان باغلادی بالله او رنج بیشمار اوسته
.
.
یزیدون ظلمینی واضح دیمم نولدی او مجلسده
بوقدری وار که زینب باغریقان اولدی او مجلسده
سکینه عارضی گل تک زبس سولدی او مجلسده
یانوب دلدن الولاندی توکوب اشگین عذار اوسته
.
.
اورکده چوخدی دردیم دلده یوخدور شرحنه طاقت
اوزون گوردون نقدری بیزلره یتدی غم و محنت
بالان ویرانه کنجنده وئروب جان بادل حسرت
دیمم آرتدی نقدری غم بوقلب داغدار اوسته
.
.
شهاب بو مطلعی یازدی ولی رحلت ایدوب گیتدی
که کسرین ایتماقا تعقیب اودور دم «ساعیه» یتدی
اودم یازدی شهابین روحنی قبر ایچره شاد ایتدی
چالشدی الحق ازّلی کلام آبدار اوسته
.
.
#اربعین_شهاب_تبریزی
#یتشدیم_عین_مقصوده_بو_رنج_بیشمار_اوسته
#ترکی
.
#زبدةالاشعار
.
: @nohe_torki