«استمداد قمر منیر بنی هاشم»
.
.
#سبک_بالام_آغلاما_گلوم_آغلاما و … ( 7 سبک برای سینه زنی و زنجیر ) … من عزیز فاطمیم فلک … سن آت اوسته پای پیاده من … بو خرابه نی ایلمه وطن … دولانور علی قیزی مقتلی و … بالام آغلاما … باجی دور گئداخ …
.
.
.
مصیبی تبریزی
.
.
گوزوم اوخلانوب علمیم یاتوب
قوری توپراق اوستی اولوب یئریم
ائله گویلوم ایستوری بو نفس
آقامی گوروم صورا جان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
فلکین اوخی گوزومه دگوب
قان آخوب عذاره ؛ دایانمادی
نفسیم دوشوبدی شماریه
غم و التهابی سایاندادی
باشیم اوسته فاطمه گلدی،بس
گوره سن حسینیم هایاندادی
ائله گویلوم ایستور حسینیمه
ئورگیمده عشقی نشان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
نجه ساقیم کی سو مشکیمون
قوریوبدی باده سی گلموری
هامونین عزیزی گلور ولی
من ِ بی کسین کسی گلموری
گورورم کی وقت اذان اولوب
ولی اکبرین سسی گلموری
ائله گویلوم ایستوری صون نفس
دوروب اکبریله اذان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
آدیمیز بو لوح شرافته
یازیلوبدی کیمسه سیلنمه سین
باشیم اوسته گلمسه قارداشیم
داهی کیم بو دردی بولنمه سین
ولی کاش حسین گله بولسده
بالا قیزلاری گتیرنمه سین
اولارا سو قولینی وئرمیشم
نجه من بو دردی نشان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
گولوین طراوتی عالمی
گونه گون آشوب داشاجاق حسین
بو علم کی جان اونا بسله دیم
آدی عالمی آشاجاق حسین
باشیم اوسته سن گله بولمسن
باشیم اللره دوشه جاق حسین
ائله گویلوم ایستوری باشیمی
آلاسان دیزاوستونه جان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
گوزومی اگرچه یوموبدی اوخ
قولومی ائدوبدی عدو قلم
ئورگیم خوشیدی سو مشگیمه
حرمه چاتام صورا دینجلم
واریدی یئری سو قالیدی گر
یوزوم اوسته من سورونوب گلم
ائله گویلوم ایستوری خیمه ده
او سوسوز اوشاقلارا سان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
ییخا بولمزیدی عدو منی
سو توکولدی دوشدوم عقابیدن
حرمه آپارما منی حسین
خجلم سئوال و جوابیدن
دئسه لر ندن گله بولمه دی
دی خجالتیدی ربابیدن
بئله حسرتی بئله محنتی
نئجه من ئورکده مکان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
یومولور بو بیرسی گوزومده گل
اولان ای ملائکه تاج سر
بوعلم اگرچه یاتوب حسین
ولی دشمنین نفسین کسر
قلم « مصیّبه » آند اولا
بو علم قیامته جن اسر
ائله گویلوم ایستوری حشریده
علمون الیمده تکان وئریم
.
اَدرِکنی یَا بَابَ النَّجات
اَدرِکنی یَا عینُ الحیات
.
.
.
.
#عباسیه #مصیبی_تبریزی #عباسیه_شهادت #ترکی #زبدةالاشعار
نظر دهید