شهادت حضرت زهرا سلام الله علیها
.
#زبدةالاشعار
.
: @nohe_torki
.
مرحومین #عامل و #واقف و #بیخود و #سالک_سرابی
.
یتیشدی جور اعدادن وفات حضرت زهرا
پریشان زلف زینب تک اولوبدور حالت زهرا
.
.
پیمبردن صورا غمدن بتولین قلبی داغلاندی
طناب ظلمله دست ولی الله باغلاندى
لگد کوب عُمَردن سندی پهلو درگهی یاندی
علینی بیعته چکدیله آرتوب حیرت زهرا
.
.
او خاتونون یتشدی حاملان عرشه افغانی
صباح و شام آغلاردی چکردی ال دیرمانی
وداع ایلوبدی اون سگز یاشندا دار دنیانی
نقدر ایتسن تفکّر شرحه گلمز محنت زهرا
.
.
بو مدت عمرده اولموبدی اصلا لحظه آسوده
ایدردی حضرت مریمدن آرتوخ سجدہ معبوده
سرشگین ایلمشدی خون دلیله ایله آلوده
اولوب لیلاً نهاراً آغلاماقلوق عادت زهرا
.
.
باشی حیدر کناریندہ گیدردی ضعفدن هوشه
گلوب هوشه باخاردی زینبه دردی گلوب جوشه
گھی کلثومی گاهی مجتبانی چکدی آغوشه
قویوب آغلار حسینی قالدی دلده حسرت زهرا
.
.
نه وار زهرا آدیندا بولمرم ذکر اولسا هر یرده
هامی قلبه چکر درد و کدورتدن سرا پرده
نه عالمدی بونون آدی گلوب عالم گلور درده
مگر تخیمر اولوبدی درد و غمدن طینت زهرا
.
.
دگوب باد خزان گلزارعیشی ظلمله سولدی
هجوم آور اولوب زاغ و زغن صحن چمن دولدی
علینون قولّارین باغلی گورنده مو سفید اولدی
بوکولدی بار محنتدن اولوب خم قامت زهرا
.
.
خانم یا فاطمه، زینب غمونده بیقرار آغلار
سنان وشمر یوخدورخوفه دوشسون آشکار آغلار
دیار شامه گل بازاریده بی اختیار آغلار
او زینب که ظهور ایلردی اوندا عفّت زهرا
.
.
بو زینب آدینون زهرادن آرتوخ واردی تأثیری
بونون تأثیری هر قلبی یخوبدور یوخدی تعمیری
شرار دود آهی یاندوروبدور بند زنجیری
یزیدون مجلسنده هتک اولاندا حرمت زهرا
.
.
حسین باشین جداده گوردی زینب آه و زار ایتدی
دیدی قارداش نه وار باشوندا دشمن سنگسار ایتدی
یهودیلر محلّاتین دولاندی شمر جار ایتدی
دیدی آغوش عترتده بو باشدور زینت زهرا
.
.
بو غمده «بیخود» و «سالک») اولور بلبل کیمی گویا
دل «واقف» گلور درده ایدر ناله على السّما
بیزی شش گوشه قبره «عاملیله» ایسته یا مولا
بحقّ تربت حیدر بحقّ عصمت زهرا
.
.
#فاطمیه_واقف_سرابی
#فاطمیه_شهادت
#یتیشدی_جور_اعدادن_وفات_حضرت_زهرا
#فارسی
.
#زبدةالاشعار
.
: @nohe_torki
نظر دهید