یتیشدی سوم شعبان گینه مهر و وفا گلدی #حسینیه_علی_اکبری

ناخدا گلدی
.
.
.
علی اکبر علی اکبری اُشتبین
.
یتیشدی سوم شعبان گینه مهر و وفا گلدی
آچیلدی مطلع انوار حق شور و نوا گلدی
.
خبر وئر باغبانه صحن گلزاری بزندیرسون
که نرگس نسترن لاله بنفشه برملا گلدی
.
بوتون عاشق لری جمع ایلیون بیر خط سیر اوسته
دیون دنیای خاکیده سیزه بیر رهنما گلدی
.
نه غم طوفان دریادن نه باک افکار اعدادن
که بحره کشتی ناجی و قومه ناخدا گلدی
.
قرانلوقلر چکیلدی یر یوزین آنوار حق دوتدی
هدایت نوری دنیایه چاخوب خون خدا گلدی
.
حسین دنیایه گلدی تا شهادت مکتبین آچسون
قالان ظلم آلتدا انسانلار آیلسون خوش ندا گلدی
.
اوجالسون پرچم اسلام و دینون رونقی آرتسون
منافق منکر و ملحد اوچون روز عزا گلدی
.
دیه لّر چون حسین دنیایه گلدی گوزلرین یومدی
ائشیدجک بو سوزی فوری حضوره مصطفی گلدی
.
حسینون قنداقین آغوشه آلدى حضرت خاتم
گوز آچدی باخدی مولایه هامى قلبه رجا گلدی
.
حسینون مکتبیندن درس آلانلار چوخدی دنیاده
شهادت شربتین نوش ائتماقا چوخ آشنا گلدی
.
بو یولدا پیشتاز خط ، سپاه پاسدار اولدی
که چوخ صدق و صفا گورستدی چوخدا بی ریا گلدی
.
اولوب مست لقاءالله دلینده رمز یا الله
پوزوبدور دشمنون برنامه سین اول با وفا گلدی
.
.
#حسینیه_علی_اکبری
#حسینیه_میلادیه
#یتیشدی_سوم_شعبان_گینه_مهر_و_وفا_گلدی
#ترکی
.
.