چون گتدیله ظلمیله کلیسایه حسینی #دیر_راهب_مضطر_قفقازی

دیر راهب
.
✍️ #زبدةالاشعار ✍️
.
🆔: @nohe_torki
.
مرحوم مضطر قفقازی
.
چون گتدیله ظلمیله کلیسایه حسینی
ویردیله قوناق زمرۀ ترسایه حسینی
.
.
نور ازلی دیریده چون ایتدی تجلّا
کفر آیینه سین صیقل ایدوب اولدی مصفّا
اسلامه نظر ایله بو کفّاره تماشا
نه طرزیله چکدیله او مأوایه حسینی
.
.
کفّار ویروب مجلس ایمانینه رونق
اسلامین اولوب اهلی هامی کافر مطلق
گون شعشعه سین درک ایلمز شب پره الحق
هر چند قرین ایتدیله اعدایه حسینی
.
.
ظلماته یتوب نور خدا اولدی مقابل
بو آب بقا کیمسنیه اولمادی واصل
بازار محبّتده اولونماز هامی داخل
کفر اهلی قبول ایتدی بو سودایه حسینی
.
.
سرگرم قیلوب جاذبه اول پاک سرشتی
ترک ایلدی زنّاریله برنوس و کنشتی
دربسته گوروب دوزخی ، مفتوح بهشتی
جانیله قبول ایتدی تولّایه حسینی
.
.
وجه اللّهین انوارینی درک ایتدی نصارا
عیسی کیمی اموات قلوب ایلدی احیا
قبطی لری مبهوت ایلدی بو ید بیضا
مظهر ایلدی معجز عیسایه حسینی
.
.
دوتموش او باشین دورینی بیر جمع پریشان
اطراف جدیده دوزولوب نعش تک حیران
آثار نجابت وَجَناتینده نمایان
نور نبوی ویردی تجلّایه حسینی
.
.
چون روز ازلده بیله اولموشدی مقدّر
تا فیض شهادت تاپا اولاد پیمبر
بو نعمت عظما دگل هر شخصه میسّر
لطف ایلدی حق حضرت زهرایه حسینی
.
.
بو مرتبه نی جمله رسل ایتدی تمنّا
میدان بلایایه دولانموب بیری اصلا
عشق عالمی دور مجلس حیرتدی خدایا
قسمت ایلدون بو می و صهبایه حسینی
.
.
«مضطر» بو مصیبتده محبّین اولی مغموم
بالله ایلدی بذل حسین جانینی مظلوم
جان ویردی حسین قویمادی دینی اولا معدوم
شافع ایلدی عرصۀ عقبایه حسینی
.
.
.
#دیر_راهب_مضطر_قفقازی
#چون_گتدیله_ظلمیله_کلیسایه_حسینی
#ترکی
.
✍️ #زبدةالاشعار ✍️
.
🆔: @nohe_torki