زبان حال مادر جناب علی اصغر علیه السلام
..
..
..
#سبک_ویرانه_ده_نازلو_بالام … #سبک_ای_غنچه_نیلوفریم
..
..
مرحوم سعدی زمان
..
..
رحم ایلمور قوم عدو، الله بالام یاندی
یوخ خیمه ده بیر شربه سو، الله بالام یاندی
..
..
امّیدیله گیتدیم خدا مَخیم ده هر یانه
سو یوخلوقی امّیدیمی دوندردی حرمانه
لطف و عنایت ایله بو خشکیده پستانه
دولسون صودیله چون سبو، الله بالام یاندی
..
..
سو قابلاری خشکیده دور سوزِ حرارتدن
عرشه چیخار یاندیم سسی آل رسالتدن
سو تاپمادیم دوشدی دیزیم آرام و طاقتدن
هر قدر قیلدیم جستجو، الله بالام یاندی
..
..
بو چولده یارب گورسنور هنگامۀ محشر
آغلور سوسوزلوقدان یانور اولاد پیغمبر
کیم بو غریبون حالینه رحم ایلر ای داور
واردور نه قارداش نه عمو، الله بالام یاندی
..
..
نیلوم علاجیم یوخ منیم ای خالق علّام
نه دل بُلور لایلای دیوم بیر آز دوتا آرام
ایکاش آپارسون بیر نفر بو لشگره پیغام
بُلسون بو قوم کینه جو، الله بالام یاندی
..
..
دیرناق وروبدور سینمه از بس ایدوب پاره
قانه باتوبدور اللّری سینم اولوب پاره
تأثیر ایدر یتسه سسیم بو قوم اشراره
گر ساکت اولسا های وهو، الله بالام یاندی
..
..
آدیم رُباب امّا اؤزوم سینمیش رَباب اولدوم
اولدی خزان عمروم گُلی خانه خراب اولدوم
باخدوقجا بو سولموش گُله یاندیم کباب اولدوم
یانسون گوروم قوم عدو، الله بالام یاندی
..
..
گاهی علاقم جوش ایدر آغوشیمه آلّام
گاهی علاجیم قطع اولور گهواریه سالّام
اوخلانسا آهو تک بالام یا رب ملر قالّام
چون سود امر آهودی بو، الله بالام یاندی
..
..
خلقین حیاتی چون سودور ای خالق داور
احسان ایدوبسن تا ایچه هر مؤمن و کافر
بیر قطره ویرموللر ولی بو قوم بداختر
ایلوم بالامی تَر گَلو، الله بالام یاندی
..
..
ایسّی هوا دیلسیز بالا آب روان ایستر
ارزان سویا عالی بها بو کوفیان ایستر
ویرماقلیقا بیر جرعه سو یوز نقد جان ایستر
قالدی سودا نه آبرو، الله بالام یاندی
..
..
یارب سنی ویرّم قسم بو مادرِ زاره
ایله «حسینی» دردینه لطفیله بیر چاره
باز بو سوزه خاطر اونی نوکر بو درباره
رحم ایلمور قوم عدو، الله بالام یاندی
..
..
#اصغریه #سعدی_زمان #اصغریه_شهادت #ترکی #آثارالحسینی2 #زبدةالاشعار
نظر دهید