یوز ویردی منه غم باجی صغری سفریمده #حضرت_صغری #معزی_اردبیلی

زبانحال حضرت صغری (س) در فراق برادر
سوال و جواب
.
#زبدةالاشعار
.
: @nohe_torki
.
جواب حضرت علی اکبر (ع)
.
مرحوم معزی اردبیلی
.
یوز ویردی منه غم باجی صغری سفریمده
قان آغلادی احوالیمه زهرا سفریمده
.
سال باشووه قاره ورولوب یاره باشیمدان
من بنذه میشم حیدر کرّاره باشیمدان
قان جاری اولور صفحۀ رخساره باشیمدان
گوستردی جفاسین منه اعدا سفریمده
.
.
گوز کاسه سینی قانلو مناده دولی گورّم
اشرار آراسیندا نه صاقی نه صولی گورّم
نه مرکبی نه اوخ وورانی نه یولی گورّم
مشتاقم الیمدن دوتا سقّا سفریمده
.
.
کاکللریمی خیمه ده قیزلار داریاردی
قویسیدی فلک لیلی ده مندن یاریاردی
خنجر باشیمی مرکبین اوسته یاری یاردی
ضربینده دوشوب لنگره اعضا سفریمده
.
.
دوره مده کیلر قلبی یاراندی خبر آلما
بیر منظره مقتلده یاراندی خبر آلما
زلفیم باجی خنجرله داراندی خبر آلما
زیبادی یوزوم قانیله زیبا سفریمده
.
.
میداندا قوی پنجه لریله طرفم من
دعوا گونیدی حَربۀ سرده هدفم من
لب تشنه ذبیحم باجی شمع شرفم من
عقبا سفریم یاخشیدی دنیا سفریمده
.
.
خوش اولدی آنام لیلی گیجه چاقی سوزومدن
چادرده دولاندی باشیما ئوپدی یوزومدن
صبحه کیمی گوزلحظه گوتورمزدی گوزومدن
بوندان صورا اولدی غمی دریا سفریمده
.
.
گه تیر وروبلار باجی گه داش بدنیمدن
پیکانی چکیدی ننم ایکاش بدنیمدن
آخر بیلورم آیریلاجاق باش بدنیمدن
باشسیز گوره جک نعشیمی لیلا سفریمده
.
.
شام اهلی منی سالدی چتین درده سوروشما
قاندان چکیلوب گوزلریمه پرده سوروشما
چوخ یاره لیم قالموشام اللرده سوروشما
مأوادی منه قورخولی صحرا سفریمده
.
.
جان اوسته سنی ایله مورم ذرّه فراموش
ئولمک خبریم گلدی کی ای خواهر باهوش
کئچ باغلى اطاقیمه چراغین ائله خاموش
قانیله دولوب نرگس شهلا سفریمده
.
.
خوشدور بابام امداده گله خیمه سرادن
میداندا منی قورتارا گرداب بلادن
آسوده یومام گوزلریمی دار فنادن
مسرور اولارام قلبیدن عقبا سفریمده
.
.
ال باشه آتارسان سارالان گللره باخسون
گهواره ده مخصوصاً على اصغره باخسون
حتماً دیرى قالمازسان اگر اکبره باخسون
گلدی قاباقا محنت عظما سفریمدہ
.
.
یولداشلاریم احوالیمى صغری هله بیلمز
من سیز اولارون صورتی بیرده گُله بیلمز
اعلان ایله سن یثربه اکبر گله بیلمز
لوح اجله وورموشام امضا سفریمده
.
.
زبانحال حضرت صغری (س)
#الله_منی_آغلار_قویوب_اکبر_سفرینده
.
.
#حضرت_صغری #معزی_اردبیلی
#یوز_ویردی_منه_غم_باجی_صغری_سفریمده
#ترکی
.
#زبدةالاشعار
.
: @nohe_torki