حالات قتلگاه و راز و نیاز حضرت اباعبدالله امام حسین (ع)
.
.
#سبک_نقش_من_چرا_نقش_ماتمه … #سبک_ساخلا_ناقه_می_کاروانیدن … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان …
.
.
مرحوم حسینی زنجانی
.
.
زادۀ پیمبر حسین حسین
کایناته سرور حسین حسین
سنسن آسمان ولایته
بیرایشقلی اختر حسین حسین
.
دردمنده آدون ، سیّدی دوادی
هر مریضه قبرون تربتی شفادی
.
.
.
.
نور پاک خلاق لم یزل
مظهر جمال خدا سَنَن
جلوه تجلای ایزدی
آیت حق کبریا سَنَن
گوشوارۀ سرخ عرش رب
بزم یاره زیب وصفا سَنَن
کشتی نجات موحدین
شمع پر فروغ هدا سَنَن
مشعل فروزان معرفت
گنج عشقه گوهر حسین حسین
.
.
کیمدی حق یولوندا سنون کیمی
شوقیله ویره باش و جانینی
پای نخل دینه سوتک توکه
قلبیدن آخان پاک قانینی
ثبت ایده تواریخ عالمه
خطّ مشیون عالی مرامینی
بیمه ایلیه انقلابینون
قرمزی قانیلا دوامینی
گلمیوبدی گلمز سنون کیمی
روزگاره رهبر حسین حسین
.
.
گل بوغازیوین قانین ایلدین
قتلگاهیده آب دستماز
توپراق اوسته فرش ایلدین حسین
مقتل ایچره بیر قانلی جانماز
یاره لی بدنله قیام ایدوب
باشلادین چوخور یرده سن نماز
ویردی اول قیام و صلاتیوه
خالقون عجب عالی امتیاز
آچدی شیعیه باب مغفرت
اول نماز آخر حسین حسین
.
.
انبیانی حیرتده قویموسان
قان ایچینده راز و نیازیوه
اولیا آچوب باش باخوب توکر
گوز یاشی او سوز و گدازیوه
سسلنور ملک لر فدا حسین
قان ویرن یارالی بوغازیوه
ساکنان نه آسمان دیر
آفرین او لحن حجازیوه
دین و حق و آئین خاتمه
افتخار و زیور حسین حسین
.
.
بارگاه قدس الهیدن
سس گلوب حسین مرحبا سنه
آند اولا آخان خون پاکیوه
سویگلوم منم خونبها سنه
شیعه وین گناهین باغشلارام
حشر اولاندا روز جزا سنه
یوخدی گر معینون غم ایلمه
ناصرم اؤزوم برملا سنه
قانه غرق اولوبدی کمکلرون
داوریندی یاور حسین حسین
.
.
تشنه سن یانور قانلی لبلرین
ویرموری سو بو اشقیا سنه
اوخشوری سوسوزدان سولان ئوزون
گلستاندا پژمرده سوسنه
چوخ باخوب فراته سیزیلداما
ایستمه سو یالوارما دشمنه
سن دینده یاندی جگرلریم
ماسوا گلور داد و شیونه
گوز تیکوبدی فردوسیده یولون
سلسبیل وكوثر حسین حسین
.
.
سالموسان گوزوندن بالالارون
گلموری حرملر خیالیوه
مرتضا آتان تک آخور باشون
قانی یاحسین گل جمالیوه
آرتیروب او قان قرب وصلیده
رتبه و مقام و جلالیوه
ارجعی لِرَبِّک اشاره دى
اوج اعتبار و کمالیوه
حافظم بوگون اهل بیتیوه
اولما چوخ مکدّر حسین حسین
.
.
بو منای عشق ایچره قانینه
غرق اولوبدی یکسر فدالرین
یان یانا یاتوب قتلگاهیده
یاره لی سوسوز مه لقالرین
آیری سالدی سندن بو سنگ دل
اشقیا هامی آشنالرین
تشنه سو کنارینده دوغرانوب
یار و یاور و اقربالرین
گوئیا اولوبدی عیان بوگون
کربلاده محشر حسین حسین
.
.
تک گوروب سنی عرشیدن گلوب
باش آچوق رسول خدا یره
مجتبا دوتوبدی آتان الون
گوزیاشون توکر مرتضا یره
ترک ایدوب جنانی گلور آنان
فاطمه او خیر النّسا یره
ئوپمگه کرامتلی اللرین
ایلوری نزول انبیا یره
خیمه دن چیخوب زینبون اودا
الده قاره معجر حسین حسین
.
.
عاشقم ازلدن حسین سنه
عاشقانه باخ سنده یاریوه
خوشدی یاره لی حالیله اگر
عزم ایدن وصال نگاریوه
ناظرم حبیبیم بوگون سنون
قتلگاهیده حال زاریوه
پشت پا وروبسان منه گوره
کربلاده دار و نداریوه
منده ویرّم عشق عالمی سنه
کایناتی یکسر حسین حسین
.
.
ای عزیز زهرا سَنَن شرف
عالمه حبیب الاه سن
افتخار اهل کسا اوزون
دینه عزّ و اسلامه جاه سن
روسیه گدایم «حسینیم»
سن ولی کرامتلی شاه سن
ایستورم قاپوندا باشا ویرم
عمریمی حسین جان گواه سن
بیرده ثبت ایدن آدیمی منیم
دفترینده نوکر حسین حسین
.
.
.
#حسینیه #حسینی_زنجانی #حسینیه_شهادت #ترکی #زبدةالاشعار
نظر دهید