یومدی گوزون تا صادق آل علی #صادقیه_شایان_ارومیه

شهادت امام صادق علیه السلام (ع)
.
.
کربلایی رحیم شایان ارومیه
.
.
یومدی گوزون تا صادق آل علی
خاموش اولوب دینین فروزان مشعلی
حیف اولدی که سوندی او انوار جلی
ظلمیله جاندان سالدیلار سرمکتبی
ئولدوردولر آخر رئیس مذهبی
.
.
سسلندی حال زاریله دلدارینی
گورسون آتانین حال محنت بارینی
موسی بن جعفر درک ائدوب بیمارینی
چوخ التفاتیله آتایه آغلادی
آغلار گوزیله دیدگانین باغلادی
.
.
سسلردی دنیادن اولان مغموم آتام
ای صبر ائدن محنتلره مظلوم آتام
منصور الیلن وای اولان مسموم آتام
شیعه سنیلن ایتدی اعلام وجود
ای مخزن علم خداوند ودود
.
.
ای دفتر عشقین گوزل سر مطلبی
اکماله چاتدوردون بابا بو مذهبی
سالدون جهانه شیعه لیق تاب و تبی
سپدین جهانه علم و دانش بذرینی
اکدین قلوبه فقه و بینش بذرینی
.
.
گلدی امامین اهل بیتی شیونه
گوز یاشلاری آخدی تماما دامنه
اجلالیلن جسمی گیدیبدیر مدفنه
یثربده اعزازیله مجلس قوردولار
منزله بیر قاره پرچم ووردولار
.
.
جانلار فدا ای یوسف زهرا سنه
آغلاردی عاشوراده مافیها سنه
ماتم دوتاردی مریم و سارا سنه
اولمادی قانلی جسمیوی دفن ایلین
یا اهل بیتیندن بیری ای وای دیین
.
.
سلطان بی غسل و کفن سن سن حسین
ظلمیله اللرده ئولن سن سن حسین
عرش اهلی یاسینه گلن سن سن حسین
گونلر قاباقینده قالوبدور پیکرون
پامال ائدوب آتلار او جسم اطهرون
.
.
#صادقیه_شایان_ارومیه #صادقیه_شهادت #ترکی #زبدةالاشعار