#ای_اوخ …
زبانحال حضرت اباعبدالله الحسین (ع) با تیر سه شعبه
.
.
.
مرحوم عابد تبریزی
.
.
گوروب سنده تجلای نشان بی نشان ای اوخ
مکان لامکانی دل سنه ویردی نشان ای اوخ
.
.
سرائر وار ضمائرده بسی مشکل بسی معضل
که یوخ امکانی کنهین درک ایده افکار مستاصل
نه معنا دور دیردی دل سنه هر قرعه ده گل گل
وار استبعادی اهل صورته اولسون عیان ای اوخ
.
.
ویروبسان قلب اقلیم وفا و عشقه پرچم سن
ایدوبسن انتظام عالم امکانی برهم سن
اولوبسان ایمدی که اسرار سراللهه محرم سن
تلاش ایت راز تک اول دلده گوزلردن نهان ای اوخ
.
.
رها ایتدون لقا مشتاقینی قید تکلفدن
زجاج خاطره ویردون صفا گرد تاسفدن
جهانه افتخار ایتسن سزادور بو تشرفدن
تجلی گاه وحدتده اولوبسان میهمان ای اوخ
.
.
کمانی ترک ایدنده عزم مقصدله شتاب ایتدون
خطاده وار خطا گوردون خطا گیتدون صواب ایتدون
محبت کعبه سین بیر اعتکافیله خراب ایتدون
خلیل عشق اشکی اولدی زمزم تک روان ای اوخ
.
.
بولردی یوخسا سنله نه خطا بیر قصد ایدوب دشمن
که مین عجزیله اولموشدی سنه زه دست بر دامن
گوروب بو عزم ده وار اهتمامون تیتردی دلدن
ندامتدن خم اولدی پشت گردون تک کمان ای اوخ
.
.
دیمم هرگز دل غمدیده و نالانی اینجیتمه
خفاگاه لب عطشانه یتمیش جانی اینجیتمه
مدارا ایت ولی دلده غم جانانی اینجیتمه
غم جانان قبالنده ندور سودای جان ای اوخ
.
.
نه تک موج فضانی شرح ایدوب قصد شکار ایتدون
پر جبریلدن بال ملائک دن گذار ایتدون
دل زهرانی قلب مصطفانی داغدار ایتدون
فراز ذروه وحدتده تاپدون آشیان ای اوخ
.
.
کلیمه طورده بیر نخله حق نورین ایدوب روشن
اولوبدور باشنه صیت اناللهیله شور افکن
مگر سنسن همان پر شعله شاخ نخله ایمن
او نار و نور و شوری ایلدون دلده عیان ای اوخ
.
.
اگرچه مرغ دست آموز قوم کینه پرورسن
آلوبسان طایران قدسدن بو عرصه ده پر ، سن
حمام نامه برسن ، حامل پیغام دلبرسن(1)
فضای گلشن دلده اولوبسان پر فشان ای اوخ
.
.
حریم رازه آچدون شاهراه صحبت و الفت
حسین بن علی قلبینده یر تاپدون زهی عزت
دل سوفاری یاندیردی شرار رشگه بو حسرت
تلاش ایلوب اودا تاپدی بو عزّتدن نشان ای اوخ
.
.
صفیرون نغمۀ مرغ بهشت وصله آیت دور
فروغ نوبهار وصل جاناندان حکایت دور
یقیناً ماجرای هجره هنگام نهایت دور
ایدر بو دلنشین آهنگ ختم داستان ای اوخ
.
.
دگل بیجاکه دل عطف عنان ایتموب مسیروندن
تشفی آختاربدورسوزینه سوزضمیروندن
ندای البشاره آلدی آهنگ صفیروندن
گوزاوسته یرویریب ایتدی سنه توقیر شان ای اوخ
.
.
پرآچدی دل سروریندن چوشصت کینه دن گیچدون
اولوب غرق شعف تاگوردی اودلی سینه دن گیچدون
رضاالموب گوره سرمنزل دیریندن گیچدون
حریم امنینی ایتدی سنه دارالامان ای اوخ
.
.
سن ای جانسوزپیکان من کیمی عطشانیدون گویا
که بوسرچشمه فیاضه آچدون دست استسقا
بومشربدن یتن بیرفیض جاویدان لاینفی
سنی سرچشمه حیوانه ایلرسرگران ای اوخ
.
.
بولردی یوخسا سنله نه خطا بیر قصد ایدوب دشمن
که مین عجزیله اولموشدی سنه زه دست بر دامن
گوروب بو عزمده وار اهتمامون تیتردی دلدن
ندامتدن خم اولدی پشت گردون تک کمان ای اوخ
.
.
زبس سوز دلون آرتوبدی بوکانون آذردن
علاجی ممکن اولماز آب زهر آ گین جوهردن
نه اوددورجانوه دوشموش شرارداغ اکبردن
که سیراب اولموسان ایچدوخجاجرعه جرعه قان ای اوخ
.
.
نهانگاه دله دلدن ایدیب شورونواگلدون
خیالوندن اورکده ناله والیتناگلدون
نوای واحسینا ئیله شوره بی نواگلدون
بیان غمده اولدون زینبیله هم زبان ای اوخ
.
.
دیمم ایتدین اورک تسخیری سودای سویدادن
که مین لرفتح باب اولدی دله انافتحنادن
دگل زائل اولان هرگزبوفتح آثاری دنیادن
دوتارصیت حسینی عالمی تاوارجهان ای اوخ
.
.
نوای مرغ یاحقّی گیجه یار دل تنگ ائت
هم آواز اول شباویزیله #عابد ناله چون چنگ ائت
بو آهنگ #شباهنگیله آهنگ شباهنگ ائت
پر آچ ئوز ایچدیقون بیر یاریه اول سایه بان ای اوخ
ـــــــــــــ
(1) حمام واژه ای عربی است به معنی کبوتر نامه رسان.
.
.
#قتلگاه
#حسینیه_شهادت
#گوروب_سنده_تجلای_نشان_بی_نشان_ای_اوخ
#عابد_تبریزی #ای_اوخ_عابد_تبریزی
#ترکی
#زبدةالاشعار
نظر دهید