در جلالت آستان مقدس حضرت ثامن الائمه (ع)
.
✍️ #زبدةالاشعار ✍️
.
🆔: @nohe_torki
.
مرحوم عابد تبریزی
.
جانه گلوب دل هجردن دیدار جانان آختارور
رنجور عشق یار دور وصلیله درمان آختارور
.
بلبل کیمی ایلر نوا جور و جفای خاردن
سرگشته چون پیک صبا صحن گلستان آختارور
.
تا شعلۀ رخسارینه یانسون یتشسون کامنه
پروانه تک هر لحظه دل شمع شبستان آختارور
.
جام شراب لعلینی خضره نشان وئر ای گوگل
گورسن دل ظلماتده گر آب حیوان آختارور
.
ترصیع اولا تا سا تکین ایستر او په لعل لبین
ایتسون فزون تا رونقین یاقوت و مرجان آختارور
.
دل گل کیمی پژمرده دور جان جسمدن آزرده دور
دل دلبر ایستر هر زمان جان وصل جانان آختارور
.
طور تجلا دور جهان یوخ درکنه گوزده توان
بونوری تا گورسون عیان دل پور عمران آختارور
.
تا دردین ایتسون چاره دل سرّین دیسون دلداره دل
بیچاره دل آواره دل شاه خراسان آختارور
.
حق نوری هر شام و سحر آفاقی دوتموش سربسر
بو نوری اما بی بصر هر لحظه هر آن آختارور
.
سویله دولانما عالمی ایله خراسانه گذر
اول کس که انوار حقی هر گوشه هر یان آختارور
.
ای حجّت ربّ الفلق وی میزبان ماخلق
خوان نوال جودیوی سرگشته مهمان آختارور
.
هر کیمسه بیر امّیدیله درگاهیوه گلمیش شها
شه آستانینده گدا گسترده بیر خوان آختارور
.
عالملره سن سن رجا قبرون جهانه ملتجی
بو قبری دلده التجا ارباب حرمان آختارور
.
تنها نه خاک مدفنون زائر ایدر کحل بصر
و قبرون طوافین شوقیله گردون گردان آختارور
.
اگر چه تراب مرقدون مهر نماز اولموش ولی
بو بقعه دن هر اهل دل مهر سلیمان آختارور
.
صحن و رواقون منظری خُلده دیمم وار بنزری
قبرون صفا و جلوه سین فردوس رضوان آختارور
.
حول حریمون خاکینی اشكیله ایستر پاک ایده
ابر بهاران من کیمی گر چشم گریان آختارور
.
گلدستۀ درگاهوه ایستر طراوت آرتیرا
چشم سحابیله فلک تقطیر باران آختارور
.
دور ایلوری گردونده قرص قمر تا صبحدم
گویا طواف قبریوه هر لحظه امکان آختارور
.
مین جان اولا اولماز شها بیر دم بهای وصلتون
بیجا دگول نطقون دئسم آیات قرآن آختارور
.
شمع جمالون جلوه سین ای نور وجه كبریا
افواج انجم سهلدور خورشید و کیوان آختارور
.
ایله عنایتله نظرهر کیم قویوب یوز قبروه
درمانده دور آشفته دور لطفونه سامان آختارور
.
زهرا آنان جانی رضا نومید قیترمه شها
بو آستانه هر گلن توقیع درمان اختارور
.
سن بحر جود لم یزل، چون قطره زائر بی بها
اوز رأفتون شامل اولوب تا قطره عمان آختارور
.
وصفون فراتر ذکردن مدحون فزونتر فکردن
توصیفوه درمانده دل بولمم نه عنوان آختارور
.
گر چه غبار درگهون بال ملائک پاک ائدر
اما منیمده گوزلریم جاروی مژگان آختارور
.
بو روضه نون هرچند وار مینلر خوش الحان بلبلی
اما باجون معصومه تک مرغ خوش الحان آختارور
.
اوغلون فراقینده سنون حالون حکایت ایتماقا
صحن گلستاندا سمن زلف پریشان آختارور
.
آگاه سن اسراره سن بو آستانه هر گلن
سندن برات مدفن شاه شهیدان آختارور
.
هر چند واحد نور سوز آگاه سن اما اوزون
سیراب وصلوندن اولان سلطان عطشان آختارور
.
عابد کیمی حاجت الین آچموش فغانی و على
هر تک تکی بو قبردن مین گونه احسان آختارور
.
.
#رضویه_مدح
#جانه_گلوب_دل_هجردن_دیدار_جانان_آختارور
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید