زبانحال حضرت زینب سلام الله علیها در کوچ از کربلا
.
زبدةالاشعار
?: @nohe_torki
.
مرحوم واقف سرابی
.
اولدون غریب اولمادی قسمت وطن سنه
قارداش گرگ ئولنجه ایدم ناله من سنه
.
بلبل چمنده ناله ایدر قمری سرویده
سن جان ویرنده اولمادی ناله ایدن سنه
.
چوخ نسگل اولدی بو اورگیمده تاپولمادی
بیر کیمسنه که ایلیه غسل و کفن سنه
.
گل پیکرین یارالاری گل شکفته دور
گورسه بو گلشنی حسد ایلر چمن سنه
.
اورتوبدی جسمیوی خس و خاشاک کربلا
باد صبا بیچوبدی عجب پیرهن سنه
.
بلبل حزین بنفشه غمین لاله داغدار
ماتم دوتوب شقایقیله نسترن سنه
.
دشمن بو نعش پاکوین استونده آت چاپوب
نه باش قالوب صحیح نه سالم بدن سنه
.
ای عشق مسندینده سلیمان کربلا
ال تاپدی کربلاده عجب اهرمن سنه
.
بلقیس روی اهل عیالین، سویوبدولار
بو ظلمی ایتدی قوم ستمگر ندن سنه
.
قارداش دینده شمر وورار قمچی باشیمه
یوخدور بو حال زاریمی اصلا دین سنه
.
باشین سنون جداده منیم باغلی قولاریم
بو حالیله شماتت ایدر هر گلن منه
.
توکدوم او قدر گوز یاشیمی نعشین اوستونه
کافور اولدی نافۀ مشک ختن سنه
.
اشکین گورنده «واقف و بیخود» عذاریده
رنگینده قالدی حسرت عقیق یمن سنه
.
#کوچ_کربلا
#اولدون_غریب_اولمادی_قسمت_وطن_سنه
#واقف_سرابی
#ترکی
.
#زبدةالاشعار
?: @nohe_torki
: @nohe_torki . رمضانی (خاکی) . الله گئنه جهاندا بزم عزا بپادی ارض و سما دوباره غرق غم و عزادی . گویده دیور منادی مظلوم امام هادی . . . دردو بلاو محنت حدن مزید اولوبدی غم غصهبیشتر
نظر دهید