زبدةالاشعار

عزم ایلیوبسن ئولمگه عشقیله پاکباز اوغول #اکبریه_انور_اردبیلی

زبانحال حضرت لیلا در وداع با علی اکبر (ع)
.
.
مرحوم انور اردبیلی
.
.
عزم ایلیوبسن ئولمگه عشقیله پاکباز اوغول
نچه دقیقه گل ایدک خیمه نی بزم راز اوغول
.
.
عشق مناسی دور بو چول هاجریوَم ذبیح سن
مریم دشت نینوا لیلیه چون مسیح سن
قند لبونده وار گوزوم نطقده چوخ فصیح سن
مشتریم کلامیوه صحبت ایله بیر آز اوغول
.
.
نقطه مثالی دوشمیشم دایرۀ فراقیوه
مزدومه بوسه ایستسم زحمت اولار دوداقیوه
خیمه نی خلوت ائتمشم قوی دوشنوم ایاقیوه
مقدمووین توزین سیلیم قیل منی سرفراز اوغول
.
.
سن که کمینه لیلیه کعبۀ دل سن أی جوان
گتمه منیله مختصر خیمه ده روبرو دایان
آب وضو تاپلمیور گوز یاشمی ایدیم روان
قبلۀ قلبیمه ایدیم حسرتیله نماز اوغول
.
.
خلقته شاهکاریدور نقشۀ حسن صورتون
ختم رُسُلدن ارثدور یوزده اولان وجاهتون
حتما عزیز مصردن چوخدی سنون ملاحتون
یوسفی بلمرم سنه حسنده هم طراز اوغول
.
.
نقشیوی بی مثَل چکوب کلک بدیع سرمدی
احمدی خوی و خصلتون جذب ایدوب آل احمدی
آب و گلونده وار سنون جوهرۀ محمدی
آیری بیر امتیازیدور سندہ کی امتیاز اوغول
.
.
گوزلرون اوسته تیتریور هر یل اسنده کپریگون
خرمن جانیمه سالور برق جهنده کیپریگون
جانیمی نیمه جان ایدور قالخوب اننده کیپریگون
نرگس مسته خوشدی چون اولسا همیشه باز اوغول
.
.
باخما گوز آلتی چوخ منه رحم ایله خاکساریوم
گردنیمه کمند اولوب طرّه لرون شکاریوم
سن که طبیب عشقسن منده سنون دچاریوم
باری مریض عشقیوه لطف ایله نسخه یاز اوغول
.
.
سایوه دالدالانمشام یوخدی بو چولده بیر کسیم
باشدان ایاقه آتشم گتمه کناره ای نسیم
اینجیمه جانگدازدور ساز شکسته تک سسیم
ساز شکسته نون اولار ناله سی جانگداز اوغول
.
.
نازیوه دوزموشم علی ایل لری سایسیز آیلاری
کیمدی سایان آنون دیین اوخلاری یا اویاخلاری
بولگی بولن زمانه ده قسمت ایدنده پایلاری
نازی سنه ویرن زمان چاتدی منه نیاز اوغول
.
.
کرب و بلاده آز قالور لیلیه محشر اولماقا
قرمزی رختی سن گیوب من قره معجر اولماقا
واردی اورکده نیّتون گل کیمی پرپر اولماقا
باشینه کول توکه گرک منطقۀ حجاز اوغول
.
.
وار یری دستبوسیوه یوز قویا عرشدن ملک
یا که ستاره لر انه مقدمیوه فلک فلک
من سنی خیمه دن ایدم بدرقه گلمیور اورگ
ایلیوسن شهادتی سن ولی پیشواز اوغول
.
.
شعله لی آهمون اودی دگسه داشا مُذاب ایدر
ذرّه سی دوشسه بو اودون شمعده فوراً آب ایدر
سوته دلان عالمی سوز دلیم کباب ایدر
یوخدی آلولی شمعدہ مندہ کی سوز و ساز اوغول
.
.
وای منه وای خزینه دن سنکیمی گوهریم گیدور
وای منه جوّ عشقدن مرغ هما پریم گیدور
پیچ و خمه دوشوب اورک وای منه دلبریم گیدور
کیم اولاجاق سن اولماسون لیلیه دلنواز اوغول
.
.
#اکبریه #انور_اردبیلی #اکبریه_شهادت #ترکی #زبدةالاشعار #صدای_عاشورا

متن پیشنهادی:  محیط نور را نور آفریدند #سجادیه_سازگار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی