زبدةالاشعار

ای باد صبا گئت شه دینه خبر ایله #سجادیه_تابع_تبریزی

شهادت امام سجاد علیه السلام
.
.
#سبک_ای_باد_صبا … بیش از 7 سبک
.
.
مرحوم محمد حسن تابع دین (تابع تبریزی)
.
.
ای باد صبا گئت شهِ دینه خبر ایله
سجاد ئولوری یثربه دور بیر گذر ایله
.
.
عرض ائت باباما اوغلون ئولور ای شه عطشان
گل بزم عزا دوت او گلن یوللارا قربان
جان اوسته گوروم بیرده سنی جان وئروم آسان
سجاد ئولوری یثربه دور بیر گذر ایله
.
.
ایچدون او زمان که باباجان جام شهادت
سالدیم من ئوزوم بوینوما زنجیر اسارت
غمدن گجه گوندوز منه اولموبدی فراغت
سجاد ئولوری یثربه دور بیر گذر ایله
.
.
سندن صورا من آتش محنت لره یاندیم
هر غم یتشوب صبر ائلدیم گرچه دایاندیم
شاماتیده اما باباجان جاندان اوساندیم
سجاد ئولوری یثربه دور بیر گذر ایله
.
.
گئت بیرده خبر وئر علی قارداشیمه بیر باش
سویله اونا قارداشون ئولور گل علی قارداش
اگلش باشیم اوسته یوزه جاری ایله قان یاش
سجاد ئولوری یثربه دور بیر گذر ایله
.
.
گئت بیرده فرات اوسته علمداره خبر وئر
سو اوسته دوشن قوللاری سرداره خبر وئر
عباس عموما یار وفاداره خبر وئر
سجاد ئولوری یثربه دور بیر گذر ایله
.
.
گئت شامی دولان زینب مظلومه نی آختار
تاپ عمَّه می ایله اونا احوالیمی اظهار
سویله اونا گوزلور یولووی عابد بیمار
سجاد ئولوری یثربه دور بیر گذر ایله
.
.
گل عمّه یتوب آخره اندوه و مصیبت
چکدیم نقدر سن بُلوسن رنج و اسارت
ای عترت طاهایه ائدن چوخلی حمایت
سجاد ئولوری یثربه دور بیر گذر ایله
.
.
گل عمّه منیم حالیمه ائت بیرده نظاره
آخر نفسیمدور گئنه وار سینه ده یاره
لطف ایله ای عمه اؤزون گل بو دیاره
سجاد ئولوری یثربه دور بیر گذر ایله
.
.
ای عمّه اولوب «تابع دین» بلبل خوشخوان
مشگل ده قالاندا ائدرم مشگلون آسان
یازدی نه گوزل مطلعی با دیدۀ گریان
سجاد ئولوری یثربه دور بیر گذر ایله
.
.
.
.
#سجادیه_شهادت #سجادیه
#ای_باد_صبا_گئت_شه_دینه_خبر_ایله
#تابع_تبریزی
#ترکی
#زبدةالاشعار

متن پیشنهادی:  ای فاطمه ای گیزلین اولان غملی مزاری #فاطمیه_سیفی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی