دنیانی ترک ایدوب سلطان انبیا #پیامبراسلام_یحیوی_اردبیلی

شهادت خاتم الانبیاء (ص)
..
..
مرحوم یحیوی
..
..
دنیانی ترک ائدوب سلطان انبیا
آغلار اونا حسین مظلوم کربلا
..
..
شیر خدا گلوب فریاده آغلیور
بیرده او مجتبا شهزاده آغلیور
زینبده آغلیور زهراده آغلیور
آفاقی دولدوروب ای وا محمّدا
..
..
غسلین وئروب علی کفن ائتدی پیکرین
تابوتینه چکوب جبریل شهپرین
عزّتله مدفنه گتدی برادرین
روح الامینلن سرتاج اوصیا
..
..
صد آفرین سنه ای شاه مشرقین
دلبند مرتضا زهرایه نور عین
گرم آفتابیده راحت یاتان حسین
صدپاره جسمیله دریای خون آرا
..
..
گلدی شتابیلن مینایه جبرئیل
قیلدی قنادینی پیرایه جبرئیل
سالسون او پیکره تا سایه جبرئیل
درک ائتدی شاهدن بیر خشمگین ندا
..
..
بیلّم که خاطریم ایستورسن ای ملک
گوردون کومکسیزم گل ائت منه کمک
اوستومده شهپرون آچما کناره چک
نقصان یتیشمسون سودایه برملا
..
..
یاز نوحه یحیوی سلطان بی سره
وقت نمازده ال قوزا گویلره
اوز اهل بیتووه فرزند و همسره
ایسته ،شفاعتین هنگامه ی جزا
..
..
#پیامبراسلام #یحیوی_اردبیلی #پیامبراسلام_شهادت #ترکی #زبدةالاشعار