گل یتیشدی باشه محنتیم عم اوغلی #فاطمیه_علومی_تبریزی

زبانحال حضرت زهرا(س)
.
.
.
#سبک_دولدوروب_جهانی
پخش‌کننده صوت

.
.
.
علومی تبریزی
.
گل یتیشدی باشه
محنتیم عم اوغلی
قالماسین ئورکده
حسرتیم عم اوغلی
.
رحلت ایلوری زهرا
قالدی زینب کبری
ای ولی داور
.
.
.
ایلمه بو قدری گوز یاشین روانه
آیریلوق زمانی گلمه چوخ فغانه
گرچه ظاهر ائتدی کینه سین زمانه
.
رحلت ایلوری زهرا
قالدی زینب کبری
ای ولی داور
.
.
.
گر چه وار غمون چوخ آغلاما عم اوغلی
آهیله جهانی داغلاما عم اوغلی
گوز یاشین عذاره باغلاما عم اوغلی
.
زینبیمی آغلاتما
یاتماسا بالام یاتما
ای ولی داور
.
.
.
آفتاب عمریم تئز یتوب زواله
غم یتر غمومده عرش ذوالجلاله
سن توکنده بیله اشک تر جماله
.
آز فغان ائدوب آغلا
اشکیوی یوزه باغلا
ای ولی داور
.
.
.
دوقّوز ایل بو ائوده چکموشم ریاضت
گورموشم اذیّت درد بی نهایت
ایمدی باشه یتدی ای شه ولایت
.
گل گئتمه کناریمدن
سیل اشگی عذاریمدن
ای ولی داور
.
.
.
خواهشیم بودور گر ترک ائدم جهانی
گلمه سین عم اوغلی قبریم اوسته ثانی
پیکر بتولی دفن ایله نهانی
.
روحیمه اذیتدی
موسم وصیتدی
ای ولی داور
.
.
.
مجتبانی قویما چوخ گله نوایه
چوخ محبتی وار خیرةالنسایه
توش اولار جهاندا محنت بلایه
.
ظلمیله اولار مسموم
حالیمی ائدر مغموم
ای ولی داور
.
.
.
بسلدیم حسینی هر زمان گول اوسته
قویمادیم جمالین بلکه سنبل اوسته
باشینی قویالّار کوفه ده کول اوسته
.
پیکری قالار عریان
زینبی سویار عدوان
ای ولی داور
.
.
.
#فاطمیه_شهادت
#گل_یتیشدی_باشه_محنتیم_عم_اوغلی
#علومی_تبریزی
#ترکی
.
#زبدةالاشعار
.
: @nohe_torki