قویدی دنیایه قدومین روح و جان عاشقان #عسکریه_شایان_ارومیه

مدح و میلادیه حضرت امام حسن عسکری علیه السلام
.
✍️ زبدة الاشعار ✍️
.
🆔: @nohe_torki
.
رحیم شایان
.
قویدی دنیایه قدومین روح و جان عاشقان
ایتدی دنیانی منور والد صاحب زمان
حضرت هادی ایوی اولدی بو گون رشگ جنان
گلدی اول نوری که روشن ایلیوبدی گوزلری
حضرت مهدی آتاسی مقتدامیز عسکری
.
.
حوریان عدن و رضوان همدم و مونس اونا
واله و عاشق دی مین لر شاخه نرگس اونا
مست اولار ایتسه نظر مین یوسف مجلس اونا
یوسف اولسیدی اگر مصر و زلیخا یوسفی
اولدی مولا میز بیزیم دنیا و عقبا یوسفی
.
.
مرحبا بو تازه مولوده جهان احسن دیدی
حمدینه تسبیحینه اهل جنان احسن دیدی
آی کیمی رخسار ینه قدوسیان احسن دیدی
شهر یثربده ایشیقلی گون کیمی تابنده دی
زنده دیر آدی نه قدری مهدی سی پاینده دی
.
.
حضرت هادی سؤوندی ماهرو مولودینه
سجده شکر ایلیوبدی درگه معبودینه
مرحبا اقبالینه بو طالع مسعودینه
اون بیریمجی اختر تابان دین دور بو بالا
حافظ قرآن حق دین مبین دور بو بالا
.
.
جلوه ذات الهی نور رخسار رینده دی
ساغر مخمور الحق چشم بیمارینده دی
یوسف اولموش مشتری چون صدر بازارینده دی
والد صاحب زمان دور مرحبا بو منصبه
رشگیده پیغمبران و اولیا بو منصبه
.
.
منبع علم لدنی عالم کل نفوس
سامراده درگهینده قدسیان درگاه بوس
فوج فوج ایلر ملایک هرزمان اوردا جلوس
زایری گلسه امیدیله بوشا گیتمز سوزی
ایلر استقبال وافر شیعه دن شخصا ئوزی
.
.
#عسکریه_میلادیه
#قویدی_دنیایه_قدومین_روح_و_جان_عاشقان
#شایان_ارومیه
#ترکی
.
✍️ #زبدةالاشعار ✍️
.
🆔: @nohe_torki