باشدان باشا جسمون یارادی قاندی حسینیم #حسینیه_حجازی_تبریزی

#قتلگاه #کوچ_کربلا
زبانحال حضرت زینب (س) به امام حسین (ع)
.
.
.
#حجازی_تبریزی
.
باشدان باشا جسمون یارادی ، قاندی حسینیم
خنجر یریدی ، نیزه و پیکاندی حسینیم
.
هر یاره آچوب قرمیزی گُل اوخلی بدنده
گویا جَسَدون صحن گلستاندی حسینیم
.
بی غسل و کفن ، قان آرا گونلر قباقیندا
بیر کیمسه دِیَن یوخ که مسلماندی حسینیم
.
اوخ ، نیزه سینقلاری اولوبدی سنه بستر
بالین سَرون ، خاک ِ بیاباندی حسینیم
.
بیر سینه ویرر یوخسا بو دورت مین اوخا وسعت
بو سینه دی یا مخزن پیکاندی حسینیم
.
آت دیرناقی صد پاره وجودیله نه سازش
بو ظلمه جهان واله و حیراندی حسینیم
.
بو شمر و سنانیله نجه شامه گیدوم من
قاتل یوزی گورماق مگر آساندی حسینیم
.
بیر کشمکش ایتدیم باشیوی شمر کسنده
بارماخلاریم اول وقتیده دوغراندی حسینیم
.
معجردن اوتور کشمکشیمدن خبرون وار
قمچی یری جسمیمده فراواندی حسینیم
.
یوخ جای تعجب که بو دشمن بیزی سویدی
سویماق ، تالاماق شیوة دوناندی حسینیم
.
هاردان اولی باشینده قالا معجر زینب
شاهلار شاهینین پیکری عریاندی حسینیم
.
گور رحم و مروّت اثری وار بو قوشوندا
بولمم بو نه جرأتدی ، نه طغیاندی حسینیم
.
دورت مین یارالی بیر بدنی کیم سویار آیا؟
غارتدی عداوت بو نه تالاندی حسینیم
.
قانلو یارا جوفینده کی خشکیده لباسی
زوریله چیخاتماق نَدی هارداندی حسینیم
.
بو قدر یارا بیر یانا داش یاراسی بیر یان
اود دوتدی بو غمدن گوگل اودلاندی حسینیم
.
شرعآ داشا باسمازلا مگر قابل رَجمی
حَد ویرماقا بی جرم نه شایاندی حسینیم
.
حاشا سنه بیر کیمسه ویره نسبت عصیان
معصومه بو نسبت اوزی عصیاندی حسینیم
.
بیر ظلم اولونوبدور سنه هیچ شاهه اولونموب
جنّتده آنامدا بونا گریاندی حسینیم
.
هانسی داش اورک اللریوی کسدی بیلکدن
روحیم کسیلن اللره قرباندی حسینیم
.
سن اصغری مدفون ایلدون تاپماسون اعدا
قونداقی ولی زینت میداندی حسینیم
.
خنجر کیمی پیکان بوغازون ذبح ایلیوبدی
وار حقّی ربابین بیله نالاندی حسینیم
.
فریاده گلوب لحن حجازیله «حجازی»
ایلر او کی فریادیله افغاندی حسینیم
.
#باشدان_باشا_جسمون_یارادی_قاندی_حسینیم
#ترکی #حسینیه #حسینیه_شهادت
#زبدةالاشعار
.