مدح حضرت زینب سلام الله علیها
.
✍️ زبدة الاشعار ✍️
.
🆔: @nohe_torki
.
ابوالفضل فرهنگی
.
ای قلم یاز دفتره زینبدی پرچم صاحبی
حک ایله پرچملره زینبدی پرچم صاحبی
.
پرچم قرآنی زینب ویردی عرشین بامینه
تز یتش بو باوره زینبدی پرچم صاحبی
.
پرچمین ئوپ ، قوی گوزون اوسته حسینون عاشقی
فخریله ویر سر دره زینبدی پرچم صاحبی
.
سایه سینده دالدالان ، قوی سایه سالسون باشیوه
ثابت ایله کافره زینبدی پرچم صاحبی
.
اوندا که ویردی حسینون پرچمین ویرانیه
سالدی سس عالملره زینبدی پرچم صاحبی
.
پرچمه صاحب نه سن سن ، نه منم ، نه دیگران
آند اولا پیغمبره زینبدی پرچم صاحبی
.
نردبان شهرت ایتمه اهلبیتین پرچمین
دشمن اولما حیدره زینبدی پرچم صاحبی
.
گیتمه پرچمدن یوخاری، پرچمی قوزا گویه
بی لیاقت دوش یره زینبدی پرچم صاحبی
.
دقت ایله، پیرو شمر ابن ذی الجوشن ، اولوب
چکمه خنجر حنجره زینبدی پرچم صاحبی
.
بو همان پرچمدی کاخ ظلمی ویران ایلدی
بیلدی عالم یکسره زینبدی پرچم صاحبی
.
کربلانین شاهی بو پرچمدن اوتری جان ویروب
پرچم دینه گوره یتمش ایکی قربان ویروب
.
#زینبیه_مدح
#ای_قلم_یاز_دفتره_زینبدی_پرچم_صاحبی
#فرهنگی
#ترکی
.
✍️ #زبدةالاشعار ✍️
.
🆔: @nohe_torki
نظر دهید