اباالفضل آناسی
.
✍️ زبدة الاشعار ✍️
.
🆔: @nohe_torki
.
#رمضانی_خاکی
.
صدف خلقته گوهردی اباالفضل آناسی
فلک عزته اختردی اباالفضل آناسی
.
بعد زهرا و خدیجه، دئسم ایراد ائلمه
هامی عورتلره سروردی اباالفضل آناسی
.
قالوب آواره قلم وصفینی شرح ایلمگه
وصفیدن چونکه فراتردی اباالفضل آناسی
.
مجدو تعریفینه بو مصرع کفایت ائلییر
همسر حیدر صفدردی اباالفضل آناسی
.
صبرو ایثاریده ، هم مرتبه و شوکتده
دئیوب آلله، کیمه بنذر دی اباالفضل آناسی
.
جسمه ، اوخشاتسالا ایثاری بو دنیاده اگر
جسم ایثاریده کی سردی اباالفضل آناسی
.
گلمیوبدی آدی قرآندا ،ولی عزته باخ
مفخر مریم و هاجردی اباالفضل آناسی
.
گوئیا باخبریمیش هامیدان اول عقیل
مام عباس دلاوردی اباالفضل آناسی
.
مرتضی خدمتینه گلدی دیلینده تبریک
دئدی آختاردیقون همسردی اباالفضل آناسی
.
هرکیم عباسینه باخدی دئدی به به نجه گور
صاحب سرو صنوبردی اباالفضل آناسی
.
وئردی اوغلاننارینی پرچم اسلام اوجالا
حافظ شرح پیمبر دی اباالفضل آناسی
.
حالینه آغلادی مروان کیمی بی رحم بشر
گوردی چوخ زارو مکدردی اباالفضل آناسی
.
ائله بوگونلریدی قبله ده یوز سینه ده جان
گوزل عباسینی گوزلردی ابالفضل آناسی
.
آچاز اوغلاننارینین قاره سینی باشیندن
حشر اولونجا قره معجردی اباالفضل آناسی
.
اوغلونون ساغ گوزونی اوخ داغیدان ساعتدن
خاکی هر ثانیه مضطر دی ابالفضل آناسی
.
#حضرت_ام_البنین
#صدف_خلقته_گوهردی_اباالفضل_آناسی
#ترکی
.
✍️ #زبدةالاشعار ✍️
.
🆔: @nohe_torki
نظر دهید