بعد از شهادت حضرت رقیه (س)
.
✍️ #زبدةالاشعار ✍️
.
🆔: @nohe_torki
.
واصف مرندی
.
شاماتیده روایت اولوبدور گچن گجه
هنگامۀ شهادت اولوبدور گچن گجه
.
بیرقانلی باش طبقده گلوبدور خرابیه
آل اللهه قیامت اولوبدور گچن گجه
.
بیر اوچ یاشیندا قیز کی رقیه دیردیلر
بی صبروتاب وطاقت اولوبدور گچن گجه
.
آغوشینه آلوب اوطبقده گلن باشی
عهده وفا اوساعت اولوبدور گچن گجه
.
قانلی دوداقلاریندان اوپوبدور باباسینین
برنامۀ زیارت اولوبدور گچن گجه
.
اما او بیر زیارتیدی هیچ کس اتمیب
غمدن رقیه راحت اولوبدور گچن گجه
.
زینب گوروب بومنظره نی یاحسین دئیوب
اوج غم اسارت اولوبدور گچن گجه
.
اما کفن تاپانمیوب اول خسته پیکره
زهرا قیزی خجالت اولوبدور گچن گجه
.
ئوز قاره معجرینی ادیب نعشینه کفن
دردو غمی نهایت اولوبدور گچن گجه
.
بونیسگیله ئولوب دیریلیبدی علی قیزی
صبرین سراسی غارت اولوبدور گچن گجه
.
کیم ئولسه جسمینین کفنی واجباتیدور
سانما بولار رعایت اولوبدور گچن گجه
.
سجادیدن سئوال الونوب گوئیا بوسوز
غمنامه لی حکایت اولوبدور گچن گجه
.
قبرستانی یوخویدی مگر شام شهرینین
بومسئله نه بابت اولوبدور گچن گجه
.
نه علته خرابه ده دفن اتمیسن باجین
نه حکمت امامت اولوبدور گچن گجه
.
آغلاتدی بوسئوال امامی بیان ادیب
آللهیمه شکایت اولوبدور گچن گجه
.
تشیع جنازیه آدامیم اولمادی منیم
ئوزشانیمه حقارت اولوبدور گچن گجه
.
بیرشامی نقل ادیر واردی خردا بیر قیزیم
غم جمله سی عبارت اولوبدور گچن گجه
.
سفره آچیلدی گلمدی اوسفره باشینه
گوردوم ملول حالت اولوبدور گچن گجه
.
اتدیق سئوال علتینی باخدی آغلادی
بولدوق غریق حاجت اولوبدور گچن گجه
.
بیرتازه یولداشیم دئدی وار بومحله ده
احوالیمه سعادت اولوبدور گچن گجه
.
گوردوم صولوب جمالی دئدیم مشکلین نه دی ؟
بیرسوزدئدی ندامت اولوبدور گچن گجه
.
اوچ گونلریله عاج یاتیرام بیرخرابه ده
بوندان غمیم نهایت اولوبدور گچن گجه
.
من ایستیرم غذامی اونا احسان ائلیم
سوزمحنت رفاقت اولودور گچن گجه
.
قویدوق غذاسینی طبقه تهفه ایلدیق
گویا دعا اجابت اولوبدور گچن گجه
.
گلدیق خرابه بیرقاپیانی گورسدیب بیزه
گویاخرابه غارت اولوبدور گچن گجه
.
دویدوق خرابه نین قاپیسین آچدی بیر خانم
گوردوق شکسته قامت اولوبدور کچن گجه
.
وردیق سلام مسئله نی ایلدیق بیان
گوردق غم هلاکت اولوبدور کچن گجه
.
اوتدی یره بویوردی کی چوخ قالمیسیز گجه
ویرانه ده قیامت اولوبدور گچن گجه
.
چوخ مشکلی واریدی عاجیندان اولوب دونن
غمدن جهاندا راحت اولوبدور گچن گجه
.
واصف بوشعری یازدی رقیه شهادتی
احوالینه عنایت اولوبدور گچن گجه
.
.
.
#حضرت_رقیه_شهادت
#شاماتیده_روایت_اولوبدور_گچن_گجه
#حضرت_رقیه_واصف_مرندی
#ترکی
.
✍️ #زبدةالاشعار ✍️
.
🆔: @nohe_torki
نظر دهید